ازيك ياجدو انا بحب واحد بقالنا 4سنين وخطبتنا 3 سنين واحنا فى اول سنة بس بنكرر خطية الدنس وكل ما ارجع اتوب واعتراف برجع تانى للخطية وانا من جوايا وانا بعترف عارفة انى هرجع تانى وكل ما اوعد ربنا برجع للخطية وببعد عن ربنا نفسى ارجع لربنا بجد من قلبى واعرف حدود الخطوبة ايه ارجوك ياجدو رد على انا من تكرار الاعتراف بالخطية محرجة اعترف لابونا تانى
رومية ٧:١٣ الْخَطِيَّةُ خَاطِئَةً جِدًّا
الكتاب المقدس لما وصف الخطية قال ا، الخطية خاطئة جدا، يعنى وصفها بيها نفسها لانه ده اصعب وصف تتوصف بيه، وقال كما أن أجرة الخطية هى...موت...رومية ٦:٢٣ لأَنَّ أُجْرَةَ الْخَطِيَّةِ هِيَ مَوْتٌ، وَأَمَّا هِبَةُ اللهِ فَهِيَ حَيَاةٌ أَبَدِيَّةٌ بِالْمَسِيحِ يَسُوعَ رَبِّنَا.
يعنى لو تفضلى انتى و خطيبك الموت على الحياة ....الهلاك عوض العيشة الحلوة مع ربنا يسوع....فأنصحك إنك تستمرى...لكن إذا كنتى تفضلى الحياة فى حضن المسيح، يبقى إخترتى طريق الابدية الرائع...المفرح و ساعتها الاعتراف يبقى حلو فى فمك و مش هيكون وراه الكسوف لانه هيبقى فيه هدف مهم و رائع اللى هوه خلاص نفسك و ابديتك اللى اهم من كل شهوة زايلة و ساعتها نتعلم ضبط النفس اللى بيثمر فينا ثمار حلوة و يبان عمل النعمة فينا و نفرح و نتعلم الفرق بين الحب و الشهوة، و نهيأ نفسنا للزواج المقدس اللى فيه الزوج و الزوجة يفرحوا بحبهم لبعض بدون خطية وبدون شهوة لكنه كل واحد يبذل جسده للاخر بفرح و بدون انانية و لا استهلاك ولا خطية وبلا شهوة لكن بفرح حقيقى و بمباركة ربنا نفسه، فيكون المضطجع طاهر و كل شىء يكون طاهر للطاهرين، و ميكونش فيه مكان للشيطان فى البيت و تكون بيوتكم بيوت صلاة بيوت طهارة بيوت بركة.
الموضوع محتاج جهاد و صلاة و توبة بدموع و ربنا رحوم رؤوف متحنن بيقبلنا فى حضنه مهما فعلنا بس نرجع اليه بتوبة نقية و نمنع اسباب الخطية.
العبرانيين ١٢:٤ لَمْ تُقَاوِمُوا بَعْدُ حَتَّى الدَّمِ مُجَاهِدِينَ ضِدَّ الْخَطِيَّةِ،