خايفة انا خايفة قوى من ل حاجة انا عمرى 27 سنة ولكنى تعبانة باللغدة الدرقية وخسيت قوى وكل اللى بيشوفنى بيقوللى انىشكلى مرهق على طول وانا كنت جميلة قوى والعلاج بيضر وبرضة خايفة من العملية حاسة ان زوجي ما بقاش بيحبني مش فاهماة دايما يحلفنى فى الرأي واذا اتصرفت فى موقف يلومني بالذات قدام الناس الي بيحبوني زي ما يكون عاوز ماحدش يحبني ودا مضايقنى جدا والمشكلة الاكبر هى بنتى لم تعد تحبني وتهاجمني دائما ومش بتسمع كلامى ودا كلة معصبنى جدا ومخليني دائما بتمنى الموت معلش طولت عليك بسر ماصدقت افضفض مع حد ممكن مايضحكش على ويتريق على ارجو ردك سريعا
mar
دى عملية سهلة إعمليها لو الدكاترة نصحوكى بكدة، و ترجعى زى ما كنتى و احلى و ترجع ثقتك فى نفسك تانى و انتى اللى ترجعى محبة زوجك من تانى ....قدميله حب..هيرجعلك حب، و الحب مش بس مشاعر رومانسية لكن افعال فيها تضحية و بذل و مجهود ...مع الوقت هترجع محبيته تانى ليككى.....كمان لازم تصلى كتير و كل ماحاجة تضايقك، فكرى فى ربنا اللى إتهان من الناس اللى احبهم و بذل نفسه من أجلهم،.
(زَكَريَّا 13 : 6) فيقول له ما هذه الجروح في يديك فيقول هي التي جرحت بها في بيت احبائي
لكن المسيح مبطلش يحب كل الناس دى، و مات من أجلهم....الحياة مش وردية...الحياة محتاجة جهاد مستمر و صلاة و تناول و قداسات تصلى فيها من اجل بيتك و من اجل عيالك و انه ربنا يكون متداخل فى كل صغيرة و كبيرة فى حياتك و من كتر طلبتك ربنا يستجيب ليكى و تفرحى بعمله فى بيتك، شوفى ربنا يقول ايه فى سفر نشيد النشاد عن الطلبة بلجاجة
حَوِّلِي عَنِّي عَيْنَيْكِ فَإِنَّهُمَا قَدْ غَلَبَتَانِي. نشيد الانشاد 6-5
العين اللى ناظرة لفوق و بتطلب بدموع ولجاجة ...ربنا من حنية قلبه ميستحملش العينين اللى ناظرة اليه وبتطلب معونته فيستجيب ليها بسرعة.
لما يهاجمك مترديش الهجوم و اعتبرى انه دى نقطة ضعفه و ابعدى عنها و اذا كنتى متضايقة ، فى صلاتك اشتكى لربنا...ابث لديه ضيقى زى ماقال المزمور
ربنا معاكى و يحافظ عليكى و يملا بيتك بالسلام و المحبة