ازيك يا جدو، كل سنة وانت طيب.. انا بعتلك قبل كدة وكنت فرحانة خااالص انك رديت عليا.. عشان كدة اتشجعت انى اكتبلك تانى واسألك: ايه رأيك ف موضوع التفاؤل والتشاؤم؟؟ يعنى ان يكون ف شخص وشه حلو لما اشوفه يبقى هيحصل خير وشخص تانى لو شفته ع الصبح يبقى اليوم مش هيعدى، او ان يكون عندى لبس معين حاسة ان وشه وحش عليا عشان كل ما البسة تحصل حاجة وحشة...الخ. ميرسى مقدما يا جدو، وياريت تذكرنى ف صلواتك لانى تعبانة نفسيا خااااالص وبجد محتاجة صلوات كتيييير
vero
لأ طبعا أحنا كأولاد لربنا لا نؤمن إلا بمشيئة ربنا النافذة و التى لا تحركها الأهواء أو الاشخاص ....يحركها هو فقط بمشيئته و هو الضابط الكل و كل شىء فى يده وحده و إوعى تفكرى بالطريقة دى لأنها توصل الانسان الى انه يؤمن بالخرافات و الخزعبلات و تبعده عن طريق الله الله الى طريق السحر و الجان و التوابع اللى يرفضها الله و تفقدنا الابدية.
لازم تتأكدى انه الله وحده المتحكم فى كل شىء و ده يحسسك بالراحة و الامان انه إحنا فى يد امينه محروسين بقوة الله وملائكته القديسين، ربنا يكون معاكى و يفرح قلبك و يملاه بالسلام و الرجاء.