بقت مقتنعه تماماااا تماما ان فيه حسد

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 22748

انا بنت مخطوبة وعندى 20 سنه وبحب خطيبى جدا ونفسى اقدر اساعده فى مشكلته او حتى احاول اشاركه فيها المشكله انه بيشتغل تقريبا طول اليوم بيرجع 3او 4 ساعات بس فى البيت ويرجع يحس انه مش قادر يقعد فى البيت وخنوق جداااا وكلم اب اعترافه كتير فى المشكله دى المشكله هى ان والدته فى فتره قربت من الكنيسه اووى هى تعلمها مش اووى وبعدين مع احتكاكها مع الناس اللى فى نفس الكنيسه والكلام بقت مقتنعه تماماااا تماما ان فيه حسد بقى عنده وسواس قهرى تقريبا وبقيت تحس فى كل حاجه تحصل فى البيت تقول علشان فلان شافها هو حصلها كده ودلوقتى من كتر المواقف دى وخناقات طبعا مع الجيران وتعلى صوتها علشان يسمعوا وحتى جوز بنتها مبقاش يحبها ولا يجى البيت بسببها وبتقول لبنتها ان جوزك كذا وكذا المهم البيت كله مستاء بسبب الحاله اللى وصلت ليها حتى بابا خطيبى بقى مش مستحمل تكلم معاه بالطريقه دى وانا خطيبى بقى يتكسف منها وبيبقى واحنا قاعدين مع بعض العيله كلها بيبقى حاطط ايده على قلبه منها انها تقول كلمه تضايق حد او انا وعيلتى نزعل هو خلاص بقى تقريبا معتكف فى الاوضه لوحده مبقاش يتكلم مع حد بعد مايرجع من الشغل مبقاش فيه علاقه اسريه يعنى انا عاوزه رد ضرورى جدا يا جدو ارجوك تقولى اعمل ايه وازاى اتعامل

انجى

صلوا ليها ربنا يهدى سرها شوية و انتى لما تتجوزوا هتبعدوا عن الجو ده شويه و تحاولوا ان اموركم الشخصية يبقى فيها خصوصية بعيد عن الام مع المحبة ليها، و هى من زيارتها للكنيسة و التعليم فى الكنيسة هيوضح لها عكس المفاهيم اللى هى مقتنعة بيها مع الوقت و انتى حافظى على خطيبك و حاولى تفرحيه و تخرجيه من العزلة...تروحوا تحضروا قداسات مع بعض و يكون ليكو بعض الصلوات مع بعض و ربنا يكون فى وسطكم و يفرحكم