انا بنت عندى 25 سنة من النوع الحساس و الهادى و مشكلتى طبيعتها مختلفة شوية و تعبانة جدااا لانى مش لاقيه حد اتكلم معاه و كل همى مع نفسى ... انا بنت بحب حياة البتولية جدا و متأثرة بيها اوى .. لكن اللى عامل لى مشكلة ان مش بميل لاديرة الراهبات و التكريس اطلاقا ,, لو فكرت اعيش فى الدنيا من غير ارتباط .. اهلى مش هيشعيوا لى للابد و خصوصا انى ماليش حد غيرهم لا اقارب و لا اصحاب مقربين .. و مضايقة جداااا و خايفة انى اعيش وحيدة فى الحياة ... و الايام دى شريرة و الدنيا صعبة انى اواجها لوحدى . ففكرت فى الزواج البتولى يعنى احاول ارتبط بانسان عايز البتولية و نعيشها مع بعض و نسند بعض ... لكن صعب جدا و نادرا انى الاقى حد يمناسب ليا عايز يعيش فى زواج بتولى و خصوصا ان صعب جدا الايام دى الزواج العادى ما بالك زواج بتولى دى حاجة نادرة .. و انا تعبانة جدااا من التفكير و الشيطان بيحاربى حروب صعبة جدا و طول اليوم ببقى حزينة و بعيط بشدة خايفة من الوحدة من عايزة اعيش وحيدة و محدش حاسس بيا و مش عندى اصحاب يقدروا يفهموا مشكلتى .. نفسى يكون لى صديقة اتكلم معاها تقدر تفهم ظروفى جدااااا دايما بتخيل اليوم ان ابى و امى هيتركونى وحيدة و خاصة ان سنهم كبير حقيقي انا منهارة امى بتحاول تطمنى و تهدينى و انا مش قادرة طعبا اقولها ايه اللى مزعلانى .. فصلولى ربنا يرشدنى ايه الطريق المناسب لحياتى اللى هو مختارة ليا و ياريت تنصحنى يا جدو كرمشة من خلال خبراتك و تساعدونى فى حل مشكلتى ..اعمل ايه .. مش عارفة ايه المناسب ليه
م
أولا انتى خايفة ليه؟ ربنا مدبر امورك بس انت سلميها له وقوليله انه المشكلة دى ان حطيتها بين إيديك و إنسيها، انتى بتحبى البتوليه و عايزة تعيشى فيها ...ده دورك و ربنا يكمل باقى الحكاية، إحنا بيبقى جوانا إشتياقات خاصة و ربنا عليه انه يدبر امورنا طالما إشتياقاتنا دى فى مشيئة ربنا، هوه اللى يقدسها و هوه اللى يرتب امورنا و الكتاب بيقو يكفى اليوم شره. عيشى الوقت اللى انتى فيه و إتمتعى بوجودك مع والديكى و إخدميهم و إفرحى ببركة و جودهم معاكى. ولكل شىء تحت السماء وقت. لما ييجى وقت القلق إبقى أقلقى :) ربنا مش هيسيبك و يدبرلك افضل طريقة، صلى كتير و إطلى إرشاد أب إعترافك, و ربنا هيكشف لك مشيئته.