بحبه يا جدو ...اعمل ايه؟

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا يقدر ان ينفزها مع العلم انة الان فى الجيش وانى على استعداد انتظرة فماذا افعل ؟؟؟؟؟؟؟؟ مع العلم انى لا اقدر على ان اوافق على اى احد اخر للارتباط ............................ارجو ان تصلى من اجلى
koky

ثالثه كليه يعنى 19 سنه و كنتى بتحبيه من 8 سنين يعنى تقريبا من سادسه ابتدائى، منقدرش نقول يا كوكى انه ده حب ناضج بجد لكن هوه ممكن يكون إعجاب، والاعجاب ممكن يتطور لحب، بس هوه ايه مواصفات الحب...الحب كلمة جميلة قوى المسيحية مبنيه عليها و إحنا بنستمد الحب بتاعنا لكل الناس من خلال حبنا للمسيح، يعنى حبنا للمسيح زى ما نكون حاطين 100 جنيه حب فى بنك المسيح و بيطلع لنا فوايد منها من خلال الفوايد دى بنصرف على كل الناس اللى بنحبهم

زى ما قلتك الاعجاب ممكن يتحول لحب، لكن لازم نكون متأكدين إن الطرف التانى بيبادلنا نفس المشاعر و يكون شخص مسؤل يقدر بحبه الناضج يعنى اللى يقدر يتحمل مسؤليه، يقدر يتقدم لك، يقدر يفتح بيت...لكن سيبك من كلام الافلام و الاغانى لانها إستهلاكيه ....عش العصفورة يجمعنا و مش عايزة غسالة و بوتجاز... و راح أعيش معاك على لمبة جاز

خللى بالك معاملته ليكى بلطف ده مش دليل على حبه ليكى، هو كل واحد عنه شوية أخلاق فى الزمن ده يبقى عايز يتجوزك؟  أنا مش عايز أصدمك لكن فى نفس الوقت مش عايزط تعيشى على سراب او حلم تكونى انتى نسجاه فى خيالك و مش موجود فى الواقع، عيشى الواقع و تعاملى معاه كصديق و أخ ، لغاية ما تبان حقيقة واضحة إنه يطلب الارتباط الجاد منك و ساعتها مش هيبقى فيه تخمينات لكن لغاية ده ما يحصل بلاش تعيشى فى احلام وإطلبى من ربنا بصلوات قوية انه يعلن ليكى مشيئته، وفى صلواتك قولى لربنا لو هوه ده الشخص اللى انت مخترهولى خللى الوضوع يتم، انا عايزه حد من ايدك يارب من ايد المسيح شخصيا و مش من ايد حد تانى، عايزة حد يحبنى زى حب يعقوب لرفقة الجميلة إللى اشتغل علشان  يجوزها اربعتاشر سنه ولا جواز إسحق برفقه و ازاى ربنا اتدخل فيها بنفسه.... إقرى حكايتهم فى سفر التكوين