حبيت واحد من النت وهو حبني

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 17212

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي انه مش حاسس بكدة وحاسس اني باردة جدا حتي ف كلامي معاه لاني برفض حتي يكلمني ف التليفون واب اعترافة قاله انة لازم يستني اخواته انا مش عارفة اعمل اية بس بجد مش هقدر احب حد تاني غيره
بنت المسيح

عجبنى إسمك قوى بنت المسيح، فما أجمل أن نكون أولاد الله و بنويتنا للمسيح و ده هو اللى يخلينا نتصرف صح زى المسيح بالظبط، الحياة ليس لها معنى بدون الحب، وساعات إحتياجنا للحب يخلينا نتسرع شويه و نقول انه انا حبيت واحد من عالنت، فى الحقيقة الانترنت حاجة جميلة إذا إستخدمناها بصورة مفيدة و مدمرة إذا سبنا نفسنا للأحلام، عمر المشاعر ما بتنقل بصورة كويسة عن طريق الانترنت او التليفون، لان المشاعر الحقيقيه محتاجة لتعبير الوجه و العينين علشان الواحد يدرك مصداقيه الكلام اللى بيسمعه، علشان كده  هو ممكن يحس انك بارده معاه رغم عكس كده او انتى تحسى انه بيحبك موت رغم انه ممكن انها تكون مش دى الحقيقة.

اب إعترافة قاله انه يستنى إخواته واب إعترافك قاللك ايه؟؟ كمان هل أهلك عارفينه؟ و عارفين انك بتقابليه؟ بنت المسيح لازم تكون مشاركة أهلها فى موضوع مهم زى ده، لو مباركين انتظارك، إستنى و انتظرى لغاية ما الظروف تتحسن، لكن لو طلبوا انك تقطعى العلاقة دى و غالبا ده هيكون رايهم أنا بنصحك بإنك تقطعى العلاقة دى لأنها من غير أمل فى الوقت الحالى، و إطلبى من المسيح بصلاة قوية أنه يعرفك تعملى ايه، قوليله انا مش شايفة أبعد من شاشة الكميوتر عرفنى إرادتك، و إكشفلى عن ترتيبك لى انا بنتك متسيبنيش