شكرا ليك ياجدو كرمشة وعلى ردك اللى مليان حب وهى كانت فترة صعبة شوية وعدت خلاص بس ليا سؤال كمان لوسمحت انا ليا صديقة قريبة منى جدا وبحبها قوى وهى فى موضوع مضايقها هى مخطوبة لابن خالها وهو فى دولة عربية دلوقتى يعنى خطبها وسافر ولما رجع بعد تقريبا سنة فى اجازة اتخانقو من بعض وسالتها اية السبب قالت هو سبب تافة بس انا مش عارفة لية كبرتة كدة وقالت انها ساعات تكون بتحبة وساعات تانى تكون مش طايقاة انا مش عارفة اقولها اية مع العلم انها سالت اب اعترافها بس مدهاش رد وانا بصراحة قلقانة عليها قوى مع العلم ايضا ان الخطبة تمت بسرعة يعنى هو اتقدم واتوافق علية فى نفس اليوم مع العلم ايضا انها كانت تعتبرة مثل اخوها
انا اسفة طولت عليك ممكن ياجدو ترد عليا على البريد بتاعى وشكرا على تعب محبتك وممكن تكون جد لى ؟ مش هضايقك
mody
طبعا انا جدو، وجدو يحب دايما ولاده أقصد أحفاده يكونوا دايما بخير و الخير اللى الواحد اتعلمه بعد السنين الطويلة دى إنه يكون جنب المسيح، لا فلوس بتنفع ولا مركز بيشفع المهم المسيح و بس. أما عن صاحبتك اللى شويه متردده بالرغم انها اتخطبت لابن خالتها اللى معتبراه زى اخوها، يمكن تكون بتحاول تحبه بس مش عارفه تحبه من انى ناحيه ....خصوصا انه بعيد عنها،الزمن ده صعب قوى يابنتى و شكلى هعمل زى اب إعترافها ومدكيش رد......مش عارف إذا كان ممكن تدى فرصة و اتنين ومتتلككلهوش يعنى و لو حاسة إنه مش هوه ده الإنسان إللى هتقدر تقضى بقية عمرها معاه ...تكون صريحة مع نفسها بس مهم جدا تدخل المسيح فى كل تصرف تتصرف فيه، يعنى تتكلم مع المسيح فى صلاتها و تسأله تعمل إيه؟! والمسيح مش بعيد عنها ولا عننا بالعكس ده قريب جدا و مننساش وعده لتلاميذه قبل ما يصعد للسما لما قالهم ها أنا معكم كل الأيام وإلى إنقضاء الدهر والوعد ده لينا إحنا كمان يعنى بس نطلب منه و نشاركه فى مشاكلنا الصغيرة و الكبيرة و إحنا بس علينا نشوف هوه هيحلها إزاى؟ و ساعتها يتملى قلبنا شكر و تسبيح و ترنيم على عظيم عمله