خلانى اتعلق به اكثر من الاول

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 17411
هناك شخص اعرفه وكان يريد الارتباط بي ولكني بعدت عنه وبعد فترة وجدته يسال عني وبصراحة انا ندمت اني بعدت وعند استشارة اب اعترافي قال لي انه ممكن يكون عايز يرجع لطلبه القديم ولاني لم اصلي في المرة الاولي فقد صليت كثير هذة المرة ولكن ما يحدث غريب فاجده علي نفس اسلوبه القديم معي غير اني اتصرف بطريق تشعره اني مازالت علي رفضي وعندما اقول يمكن ربنا عايز يبعدني عنه واصلي ان الله يساعدني انساه اجد انه يسال عني مرة اخري ويسال عن احوالي بشغف وذلك خلانى اتعلق به اكثر من الاول
dode

ساعات الواحد يصلى و يكون عايز نتيجة واحده من الصلاة، يعنى عايز ربنا يؤيد فكرة معينه و اول ما يلمح حاجة بسيطة من نظرة و لا كلمة مجامله يقول اهو نتيجى الصلاة ده ربنا عايز كده

فيه واحد مرة قال كلمة جميلة قوى عندما تدع الله يقودك لا تمسك يده...يعنى لو انا عايز فعلا ربنا يختارلى الشخص اللى هوه شايفه مناسب بلاش تختار انت لربنا و تقوله يارب إخترلى ده الله يخليك

حلو إنك بتسألى أب إعترافك علشان لا خاب من إستشار و علشان محدش يلعب بمشاعرك و علشان تكشفى قدام ربنا مخاوفك وعلشان تاخدى نصيحة و علشان تلاقى حد يصلى معاكى وعلشان ربنا يديكى ارشاد من روحه القدوس

إطلبى من ربنا بكل أمانة أنه يختارلك هوه بنفسه و إنك هتقبلى من إيده أى حد...أى حد و ساعتها ربنا مش هيختارلك اى حد هيختارلك احسن حد و اكتر ما كنتى بتتمنى لانه ربنا غنى فى عطاؤه و عنده كتير و شايف ابعد من إختياراتك و بيحبك علشان كده هيديكى كتير إفتحى إيديكى عالآخر علشان عطية ربنا كبيرة و حلوة و مفرحة دايما وإستجابة صلاتك هتكون مفرحة

المسيح جميل و حلو و عطيته حلوة زيه

 اسألوا تعطوا.اطلبوا تجدوا.اقرعوا يفتح لكم.
لان كل من يسأل يأخذ.ومن يطلب يجد.ومن يقرع يفتح له.
 ام اي انسان منكم اذا سأله ابنه خبزا يعطيه حجرا.
 وان سأله سمكة يعطيه حية.
  فان كنتم وانتم اشرار تعرفون ان تعطوا اولادكم عطايا جيدة فكم بالحري ابوكم الذي في السموات يهب خيرات للذين يسألونه.
متى 7:7