هاى جدو اخبارك ايه كل سنه وانت طيب يارب تكون بخير محتاجه اتكلم معاك ياجدو لانى بجد تعبت من كتر التفكير انا اتعرفت على شاب من على النت وهو كان بيحبنى وانا كمان بس انا مش مسامحه نفسى اصلا انى سمحت لنفسى وعملت كده وانى اديته رقم تليفونى بس بجد بعد عناء منه اللى مضايقنى ياجدو انى كنت بحب اسمع كلامه المعسول وانا كمان كنت ببادله لانه كان اسلوبه بجد حلو جدا بس وصلت معايا ياجدو انى حسيته بيتسلى بمشاعرى لما لقينى متجاوبه معاه هل انا غلطت كده ياجدو مضايقه من نفسى اوى ياجدو ومش عارفه اسامح نفسى ارجوك طمنى اسفه انى طولت عليك وتعبتك معايا ياجدو ربنا معاك سلام
moon
كتير حذرنا انه الحب عن طريق النت معظمه ان لم يكن كله وهم، لانه لايتيح للشخص التعرف على مشاعر الطرف الآخر هل هى حقيقية ولا تمثيل فى تمثيل و الشخص اللى يتديه نمرتك ده هل هوه مسيحى ولا محترف بيوقع بنات المسيح ولا مجرد شخص بدون اخلاق ولا و لا...متقدريس تتنبأى باى شىء عنه إطلاقا
نصيحتى انك تقطعى صلتك بيه حتى لو استدعى الامر انك تغيرى نمرتك، كلنا نحتاج للحنان و الكلام المعسول بس ميكونش كلام معسول يوصل لخطيه، او انه يكون كلام معسول علشان حد يلعب بمشاعرى
المشاعر بتوصل مش بالكلام لكن بتعابير الوجه و العينين EYE CONTACT
مينفعشى الواحد الواحد يختصرها فى صوت فقط، اما عن الارتباط فلازم نفكر فى اكتر من كده فى علاقته بربنا يسوع المسيح و الكنيسة و هل له شهاده حسنه من اب اعترافه على الاقل يكون عنده بدايه العلاقة او اى اساس يتبنى عليه حياة مقدسة فى المسيح
برجاء لكل الفتيات ان لا يصدقن اى شخص لمجرد كلامه المعسول!!