ازيك يا جدو انا يا جدو بعتلك مشكلتي وانته قلتلي انت هو وله هي واديني بكتبهالك تاني انا شاب كان اخويا خطب واحده جرتنا وبعدين حصلت مشاكل بين اخويا واهلها عشان ابويا كان عاوز يجوزه بنت عمي الهم انا كان موجوده اخت لخطيبت اخويا وكنت اتعلئت بيها وبعد فك اخويا لخطبته انقطعت كل العلاقات وبعد كذا سنه العلاقات رجعت معايا انا وابوها وكنت ساعات بطلع عندهم اصلح الكمبيوتر وكان ابوها بيكون موجود وكانت البت بكون موجوده المهم كنت حاسس اني البت ديه مش عجباني او مش حاسس بيه اوي بس كان في احساس نحيتها انا مش عارف احدده لغايه لما جيه اخوها عندي المحل جيبلي دعوة خطبتها فرحت وحضرت الخطوبه وبعد فتره لئيت لعلاقات بتطور لغاية لما صرحنا بعض بمشاعرنا اني هي بتحبني انا بحبها بس مش هتئدر تتفك عشان ابوها صعب جدا وكل فتره بتكلمني بس من ورا هلها وانا مش عارف اعمل ايه في الموضوع ده وحبيت ابعد عنها مئدرتش ولئيت نفسي متعلق بها فاطلب منك يا جدو ابعتلي الرد بسرعه عشان انا في حيرة كبيره خااااااااااااااااااااااااااااااااااااالص
مينا ازيك يا مينا و متأسف على انى إتأخرت فى الرد
علشان تعرف مشاعرك ناحيتها دى ايه بالظبط لازم تسأل نفسك كام سؤال؟
الاول لازم تعرف انت تعلقت بيها ليه؟ ايه اللى عجبك فيها ...شخصيتها مثلا؟ نفس طريقة تفكيرك؟ نفس المستوى الثقافى؟ لما بتشوفها بتبقى فرحان لأنها بتفهمك؟ حاسس انه فيه سمات مشتركة؟
ولا بس حسيت انه فيه حاجة كانت ممكن تبقى بتاعتك و هتضيع منك و تروح لحد تانى؟!!!!!
الحاجة التانية انا حاسس فى كلامك انه مش معتبرها كيان مساوى ليك، يعنى تقول "البت" هل ده مقصود ولا بس قصور فى التعبير؟
الواحد علشان يرتبط بحد لازم يدخل من الباب و مش من الشباك او من الموبايل وخصوصا انها مخطوبة لازم تحترم ده و تبين رجولتك و شهامتك ياابو مينا ولا ايه؟ ولا تحب حد يكلم خطيبتك من وراك!!
لو انتوا شايفين انه انتوا هتبقوا سعدا مع بعض ممكن انتو الاتنين تتكلموا مع الاب..حتى لو كان صعب..لازم تبقى راجل.... و تتحمل الصعوبات مهو مفيش حاجة سهلة اليومين دول
أضف تعليق