ركن جدو كرمشة و مشاكل الشباب

حالتى غريبة قوى يا جدو

13 كانون2/يناير 2010

حالتى غريبة قوى يا جدو كل ما اجى انام احس ان فى تعابين حوليا وبموت واترعب وانط من السرير واول ما ارشم الصليب ارتاح لكن بيرجع اتخيلات والرعب تانى انا بقيت مش بنام يا جدو اعمل ايةereny

هالة

13 كانون2/يناير 2010

هو مش سوال لكن دردشة او طلب ارشاد على انى بحب ربنا قوى لكن الخطية عاملة سحابة بينى وبينة كل اما اقرب منة القى الخطية سيطرت عليا وبعدتنى عنة انا ضعيفة قوى ومش عارفة اعمل اية انا عايزة رضا يسوع ليا ومحبتة ليا ما تقلش ساعدونى شكرا للرد مقدما hala

عايزنى اسيب المسيح

13 كانون2/يناير 2010

أنا فى اولى اداب وليه واحد صحبى لسه متعرف عليه غير مسيحى، عمال يكلمنى وعايزنى ابقى زيه بس انا مكبر منه انا عايز موضوع يثبتله اننا على حق ويفكر انه يبقى مسيحى بس انا مش عارفtootaazP

ارواح المنتقلين

13 كانون2/يناير 2010

هل ارواح المنتقلين من اسرانا تحس و تشعر بحزن اسراهم عليهم؟Neveen

أذكر من أين سقطت و تب

13 كانون2/يناير 2010

انا تعبان اوى اوى كان ليا علاقة حية مع ربنا بسم الرب يسوع كنت بخرج شياطين وشفاء مرضى المجد لله كنت بصوم كتير اوى طى 4 ايام 6 ايام من غير ماكل اى شى لكن يا جدو تعال شوفنى دلوقتى انا عاوز ابكى صدقنىN

من يقبل إلى لا أخرجه خارجا

29 نيسان/أبريل 2010

ازيك يا جدو اية اخبار صحتك يارب تكون بخير انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوترمريم

طمنا عليك

29 نيسان/أبريل 2010

اين انت يا جدو مفيش اسئلة ولا اى حاجة ابقى طمنا عليك ereny

ازاى اختار صاحبى الانتيم

29 نيسان/أبريل 2010

قد خدعت من انتيمتى و لا استطيع مواجهتها و اخشى ان افعل الى نفسى انتيمه اخرى لألا انخدع مره اخرى ماذا افعل؟ واذا حدث كيف اخترها؟NANA

جسدى و أنا

29 نيسان/أبريل 2010

كيف ينبغى أن نبغض الجسد ونعتبره عدونا فى حين أن الله خلقنا على صورته ومثاله وأن الرب يسوع تجسد بجسد مثلنا شابهنا فى كل شىء ما خلا الخطية وحدها hany backy

هل يجوز ....لا يجوز

29 نيسان/أبريل 2010

هل يجوز ان يتزوج المسيحى الارثوذوكسى من ارملة اخية المتوفى لاى سبب من الاسباب ؟ أرجو الاجابة مع السرية التامة م

بحبه يا جدو ...اعمل ايه؟

29 نيسان/أبريل 2010

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا...

جدى عنده 84 سنه

29 نيسان/أبريل 2010

انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروبmody

تذكار الشر الملبس للموت

29 نيسان/أبريل 2010

انا شاب عشة فترة فى الخطية فعلة اشياء وصلة ان قال علية الرب فى سفر اللاوين ملعون ولكنى كنت متعمد فى معمودية كاثوليكيا ورحت لاب اعترافى وقالى ان المعمودية هتغفرك كل دة واكنك هتبدا من جديد عشة فترة كنت متقرب فية للربنا ولكن عدو الخير مش هيتغلب بسهولة المهم انا...

حبيت واحد من النت وهو حبني

29 نيسان/أبريل 2010

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي...

وقعت معاه فى خطية جسدية

29 نيسان/أبريل 2010

انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية جسدية لكن...

الراهب ده لما سأله قاله اصبر

تعطيل النجومتعطيل النجومتعطيل النجومتعطيل النجومتعطيل النجوم
 

جدو ازيك .. ربنا يباركك ويديك الحكمه اكتر واكتر
الموضوع انا عندى 23 سنه اتخرجت السنه دى من كليه كويسه .. بخدم فى كنيستى .. والى حد ما ليا علاقه لذيذه بربنا يعنى احنا اصحاب من زمااااااااان اوى.. جالى عرسان وكلهم ربنا مدهمش نعمه فى عنيا او انا مخدتش نعمه فى عنيهم برضووا.. ومن فتره شوفت شاب اكبر منى بسنتين .. طبعا شوفناه بره قبل مايجى يتقدم ليا فى البيت ..

امى كانت معايا وابوه كان معاه لان امه توفت ..المهم ان الولد عجبنى وفى اغلب الحاجات اللى هتكملنى وهتوصلنى لربنا ..اخدنا فتره خلوه عشان ربنا يقول كلمته فى الموضوع قبل مايجى عندنا فى البيت .. الغريب بقى فى الموضوع وهو ده السؤال ..ان هو ليه اب مرشد روحى يعرفه كويس جداا فى دير ...... الراهب ده لما سأله قاله (اصبر) حاولت افهم من الولد يعنى ايه اصبر دى يعنى هيكمل ولا لآ مكنش بيرد عليا فى الموضوع ده حسيت ان معانها لآ .. الغريب جدااااااا بقى ان لما سألت اب اعترافى ساعه الخلوه قالى امين وقالى ربنا يفرح قلبى كلام ابويا حسسنى ان ربنا موافق على الولد وكلام ابو الولد حسسنى ان لآ انا مضايق اوى ان ليه ربنا يخيلنى اتعلق بحد وهو عارف انه مش ليا وليه يجيبه اصلا ليا مدام هو مش ليا ؟؟ انا عارف ان ربنا ليه حكمه بس انا بصلى ان ربنا يورينى حكمته دى انا حاسس ان الولد ده كمان برضوا متعلق بيا بس هو خايف يعمل حاجه او ياخد خطوه مثلا

انا مستغربه جدا من ان الاب الروحى اذاى يحكم على حاجه هو ميعرفهاش ؟؟ يعنى هو ميعرفنيش وفى نفس الوقت برضوا بقول جايز ربنا فاتح عنيه وشايف حاجه احنا مش عارفينها .. انا متلخبطه جداااا احساسى بيقول لازم اثق فى ربنا وبرضوا بتمنى الولد ده من ربنا .. عندك كلام معزى ليا ؟؟

انا كتبتلك عشان ملئتش حد سألك على حاجه زى كده .. اغلب الاسئله اللى عندى كنت بفتح دايما وبلاقى السؤال وربنا بيبعت اجابته من عنده

امين الرب صالح جدااااا وانا واثق من كده

اول مره احس انى متعلق بحد كده فعلا بس انا لسه محبتوش بس هو عاجبنى

الرب يباركك جدو ويستخدمك اكتر واكتر لمجد اسمه القدوس  
 بنت الملك

يمكن ابونا الراهب شايف بنت اخته تنفع له اكتر  يعنى مش بالضرورة شايف رؤية معينة....انتى متحمليش الامور اكتر ماهى علشان عايزة تعرفى الاجابة، إفتكرى ربنا يسوع لما قال لبطرس  هتفهم بعدين

(إِنْجِيلُ يُوحَنَّا  13 : 7) اجاب يسوع وقال له لست تعلم انت الآن ما انا اصنع ولكنك ستفهم فيما بعد..

لكن انتى خللى صلاتك انه ربنا يختار ليكى الصالح، لانه انتى ممكن بالعينين تبقى شايفة الشخص مناسب ليكى النهاردة، لكن متعرفيش بكرة و بعده هيكون مناسب ليكى ولا لأ؟ لكن ربنا وحده هوه اللى شايف ده. وطول ما انتى قريبة من ربنا هييجى يوم و يفهمك ليه ؟ ليه ...؟ اللى دايما احنا مش عارفينه لكن هوه الوحيد اللى عارف ليه و بمحبته بيدينا اللى يناسبنا بترتيب و تخطيط عجيب عمره مايخطر على بالنا لأنه ضابط الكل....الكل فى كل وقت و فى كل مكان و لكل أحد...دى شغلانه صعبة ميقدرشى عليها غير الله
كويس انك متتعلقيش بشخص لسه حتى مإتخطبتيش له، خللى مشاعرك فى ايديك لغاية ماتتم حاجة رسمى و كل ماتفكرى فى الموضوع افتكرى حكمة ربنا فى امور كتيرة دبرها فى حياتك و حياة اللى حواليكى و حتى حياة شخصيات الكتاب المقدس. وفى موضوع الارتباط متطلبيش اقل من ارتباط اسحق برفقة و ازاى ربنا اتدخل فى الموضوع و بارك الزواج ده

ربنا معاكى و يفرح قلبك وقلب كل الولاد و البنات اللى زيك قولوا آمين

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم