ركن جدو كرمشة و مشاكل الشباب

حالتى غريبة قوى يا جدو

13 كانون2/يناير 2010

حالتى غريبة قوى يا جدو كل ما اجى انام احس ان فى تعابين حوليا وبموت واترعب وانط من السرير واول ما ارشم الصليب ارتاح لكن بيرجع اتخيلات والرعب تانى انا بقيت مش بنام يا جدو اعمل ايةereny

هالة

13 كانون2/يناير 2010

هو مش سوال لكن دردشة او طلب ارشاد على انى بحب ربنا قوى لكن الخطية عاملة سحابة بينى وبينة كل اما اقرب منة القى الخطية سيطرت عليا وبعدتنى عنة انا ضعيفة قوى ومش عارفة اعمل اية انا عايزة رضا يسوع ليا ومحبتة ليا ما تقلش ساعدونى شكرا للرد مقدما hala

عايزنى اسيب المسيح

13 كانون2/يناير 2010

أنا فى اولى اداب وليه واحد صحبى لسه متعرف عليه غير مسيحى، عمال يكلمنى وعايزنى ابقى زيه بس انا مكبر منه انا عايز موضوع يثبتله اننا على حق ويفكر انه يبقى مسيحى بس انا مش عارفtootaazP

ارواح المنتقلين

13 كانون2/يناير 2010

هل ارواح المنتقلين من اسرانا تحس و تشعر بحزن اسراهم عليهم؟Neveen

أذكر من أين سقطت و تب

13 كانون2/يناير 2010

انا تعبان اوى اوى كان ليا علاقة حية مع ربنا بسم الرب يسوع كنت بخرج شياطين وشفاء مرضى المجد لله كنت بصوم كتير اوى طى 4 ايام 6 ايام من غير ماكل اى شى لكن يا جدو تعال شوفنى دلوقتى انا عاوز ابكى صدقنىN

من يقبل إلى لا أخرجه خارجا

29 نيسان/أبريل 2010

ازيك يا جدو اية اخبار صحتك يارب تكون بخير انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوترمريم

طمنا عليك

29 نيسان/أبريل 2010

اين انت يا جدو مفيش اسئلة ولا اى حاجة ابقى طمنا عليك ereny

ازاى اختار صاحبى الانتيم

29 نيسان/أبريل 2010

قد خدعت من انتيمتى و لا استطيع مواجهتها و اخشى ان افعل الى نفسى انتيمه اخرى لألا انخدع مره اخرى ماذا افعل؟ واذا حدث كيف اخترها؟NANA

جسدى و أنا

29 نيسان/أبريل 2010

كيف ينبغى أن نبغض الجسد ونعتبره عدونا فى حين أن الله خلقنا على صورته ومثاله وأن الرب يسوع تجسد بجسد مثلنا شابهنا فى كل شىء ما خلا الخطية وحدها hany backy

هل يجوز ....لا يجوز

29 نيسان/أبريل 2010

هل يجوز ان يتزوج المسيحى الارثوذوكسى من ارملة اخية المتوفى لاى سبب من الاسباب ؟ أرجو الاجابة مع السرية التامة م

بحبه يا جدو ...اعمل ايه؟

29 نيسان/أبريل 2010

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا...

جدى عنده 84 سنه

29 نيسان/أبريل 2010

انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروبmody

تذكار الشر الملبس للموت

29 نيسان/أبريل 2010

انا شاب عشة فترة فى الخطية فعلة اشياء وصلة ان قال علية الرب فى سفر اللاوين ملعون ولكنى كنت متعمد فى معمودية كاثوليكيا ورحت لاب اعترافى وقالى ان المعمودية هتغفرك كل دة واكنك هتبدا من جديد عشة فترة كنت متقرب فية للربنا ولكن عدو الخير مش هيتغلب بسهولة المهم انا...

حبيت واحد من النت وهو حبني

29 نيسان/أبريل 2010

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي...

وقعت معاه فى خطية جسدية

29 نيسان/أبريل 2010

انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية جسدية لكن...

ركن جدو كرمشة

تعطيل النجومتعطيل النجومتعطيل النجومتعطيل النجومتعطيل النجوم

ازيك ياجدو انا بحب واحد بقالنا 4سنين وخطبتنا 3 سنين واحنا فى اول سنة بس بنكرر خطية الدنس وكل ما ارجع اتوب واعتراف برجع تانى للخطية وانا من جوايا وانا بعترف عارفة انى هرجع تانى وكل ما اوعد ربنا برجع للخطية وببعد عن ربنا نفسى ارجع لربنا بجد من قلبى واعرف حدود الخطوبة ايه ارجوك ياجدو رد على انا من تكرار الاعتراف بالخطية محرجة اعترف لابونا تانى

تعطيل النجومتعطيل النجومتعطيل النجومتعطيل النجومتعطيل النجوم

ازيك يا جدو محتاجه تساعدني في قرار مصيري انا فتاه عندي ...سنه بكالريوس .....من اسره مرتاحه ماديا و محترمه اتقدملي شاب عن طريق واحده صحبتي جواز صالونات لما عيلتي شافته اعجبوا بيه و خصوصا امي و هو فعلا ولد محترم واخلاق و ماديا كويس هو تربيه نوعيه بس بيشتغل في بنك في دبي هو كله مميزات تتمناهااي بنت بس انا بالرغم من ده كله مش قادره اتشد ليه يعني لما بيجي يكلمني بحس اني مخنوقه بحس مفيش كيميا بيني و بينه و احيانا بحس ان شخصيتي اقوي منه هو طيب و محترم و من عيله كويسه بس بحس ان مش ده اللي كنت اتمناه بحس ان شخصيته عاديه جداا و بحس ان شخصيتي اقوي حتي هو بيقولي انتي مش سهله مع انه اكبر مني ب 8 سنين يعني بحس اني لو وافقت هبقي لمجرد اني اتجوز و خلاص و خصوصا من كتر ما بسمع عن العنوسه بقيت اقلق بالرغم اني حلوه بس زي ما بيقولوا من كتر خطابها بارت فده بيقلقني و اقول اوافق بالرغم اني مش مقتنعه بيه و طلبت من ربنا كتير انه يرشدني بس مفيش اي حاجه انا خايفه اقول اه احس انه بعد كده مش مالي عيني و خايفه اقول لا ربنا يلاقيني بتبطر فيجيبلي اللي اقل منه.

تعطيل النجومتعطيل النجومتعطيل النجومتعطيل النجومتعطيل النجوم

سلام المسيح معاك يا جدو معلهش انا هطول شويه بس ياريت الاقى حل لمشكلتى دى (انا يا جدو حصلتلى ظروف صعبه جدا وهى انى كنا مسافرين بالعربيه وحصلتلنا حادثه واتوفت فى الحادثه دى ماما واخواتى الاتنين وما طلعناش من الحادثه دى غير انا وبابا بس بعد الحادثه دى انا وبابا قعدنا مع تيته وبعدين بابا اتجوز وبرضه قعدت مع تيته ماقدتش اسيبها واتعلقت بتيته دى لدرجه ماتتوصفش لانها كانت طيبه جدا وبتحبنى وعلمتنى التدين لانها كانت ست قديسه جات من شهر كده اتوفت مش قادره اوصف حالتى من سعتها وانا مش مصدقه وفى حالة انهيار والمشكله الكبيره انى فى ثانويه عامه والامتحانات فاضل عليها شهرين وانا مش بفتح كتاب وخايفه جدا نفسى اجيب مجموع كبير وادخل الكليه اللى نفسى فيها لانى لو المجموع راح يبقى كل حاجه راحت منى ارجوك ساعدنى يا جدو قولى اعمل ايه وانا اسفه انى طولت شكرا خالص.
مريم

تعطيل النجومتعطيل النجومتعطيل النجومتعطيل النجومتعطيل النجوم

سلام ونعمة يا جدو

أزيك

يا رب تكون بخير.. بركة سيدنا القديس البابا شنودة تكون معاك يا جدو

لو سمحت يا جدو عايزة اخد رايك فى حاجة

انا بقالى كذا مرة لما اروح أعترف مش بكمل 3 دقايق ...  و اخر مرة أبونا قال لى دقيقة بالضبط و بسرعة بسبب مشغوليته الشديدة.. و فعلا بعد دقيقة حط الصليب على راسى ...

انا عاذراه جدا و مقدرة مشغوليته بس انا لسه مش بكون خلصت و بيكون عندى حاجات اقولها...

يا ترى هل فيها حاجة لو اعترفت عند أب كاهن تانى و فضلت مع أبويا ( لأنه أبويا , أب اعترافى من و أنا صغيرة و انا باعزه جدااا) ؟؟

بس أنا بأحس ان عايزة اطلع كل خطاياى قدام ربنا فى الاعتراف ... و صدقنى يا جدو أنا مش غاوية رغى .. انا بأروح أرص الخطايا و أخلص ...

أنا بأعتبر ان أنا قلت كل حاجة طالما انا كلمت ربنا و فى نيتى أقولها .. حتى لو ملحقتش أعترف بيها قدام أبونا .. هل كده صح و لا غلط ؟؟ بس أنا مش مرتاحة ..حاسة انى كده مقصرة مع ربنا ..

متقوليش حاولى تلاقى وقت مناسب لأبونا لانه دايما مشغولياته كتييييرة .. انا حاولت و معرفتش ..

ايه اللى المفروض اعمله ؟
مرمر

تعطيل النجومتعطيل النجومتعطيل النجومتعطيل النجومتعطيل النجوم

سلام المسيح معاك يا جدو كرمشة انا شاب ابلغ من العمر26 سنة انا من الصعيد لكن الان انا اسكن واعمل في مصر المهم خطبة بنت من القاهرة كان مودبة وخادمة ومتدينة لذالك ان حبتها ولكن بعد الخطوبة اكتشفت ان هذا كله كان قناع وان هذه الفتاة كان لها علاقات جسدية مع شباب من قبل صدمة صدمة كبيرة لا اعرف ماذا افعل فلا استطيع ان ابعد عنها لاني احبهاولا استطيع ان استكمل خطوبتي لاني سوف اشك فيها دائما فماذا افعل يا جدو
م

أولا كيف تتأكد من ذلك؟ هل هى إعترفت لك بذلك ام أن أحدا أخبرك؟ وهل الذى اخبرك هو صادق فى ذلك أم لا؟؟
السيد المسيح له المجد غفر للسيدة الخاطئة التى إمسكت فى ذات الفعل، اى متلبسة بخطية الزنا الكاملة ...ومع ذلك غفر لها فصارت قديسة طاهرة، المرأة المجدلية و كانت أيضا خاطئة ...بل و أخرج منها سبعة شياطين كانت تسكن بجسدها ولما عرفت المسيح صارت قديسة و صارت اول من بشر بقيامة السيد المسيح له كل المجد...و كم و كم من القديسين و القديسات صنعتهم التوبة و الغفران...فهل تستطيع ان تغفر و تترك الشك جانبا؟ أم تتركها يصير لديك شك فى سلوك اى إمرأة  ترتبط بها فى المستقبل؟ هذا خيارك....صل كثيرا كى يتدخل الله نفسه فى إختيارك و يرشدك الى مافيه خلاص نفسك

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم