سلام ربنا يسوع المسيح يكون معاكى،
اسف على التأخير
ربنا مش بيعاقبك ربنا بيحبك و ينتظر رجوعك، قدمى توبة بإستمرار و هوه بيفرح قوى بالتوبة.
إفتكرى انه ربنا يسوع المسيح قال" لم آت لادعو ابرارا بل خطاة الى التوبه"
اى اب كاهن نصف الاولاد و البنات بيعترفوا بخطايا مشابهة و بيقدموا توبة و بيتقدموا فى طريقهم الروحى
اكسر حاجز الخوف من اجل خلاص نفسك تعلى فى نظر ربنا و كمان نظر الاب الكاهن اللى شغلته توصيل الناس لربنا
مش هتقدرى تبطلى غير عن طريق التوبة و الاعتراف و التناول المستمر و هقولك المستمر مرة تانيه
لأن ربنا بس اللى قادر على انه احنا نبطل عادتنا الرديئة و افتكرى المسيح لما شفا المفلوج اللى كان له 38 سنه و قاله ها قد برئت فلا تعود تخطىء ايضا.
المسح يقدر على عادتنا و شهواتنا بس نديله مكان فى قلبنا علشان يدخل الهيكل بتاعنا اللى هوه قلبنا و يطرد باعة الحمام و الصيارفة ويرجعه هيكل مقدس من تانى و بيت للصلاة
ازاى ابطل حاجة من غير ما اجاهد، بالصلاة و بالمنع و بالبعد عن مصادر الخطية و ده الجهاد السلبى.
لكن الجهاد الايجابى انه ادخل ربنا فى حياتى و اصلى و افرح بعمله فى حياتى واشكره و اسبحه كل ما الاقى حاجة جميلة فى حياتى سببها عمل المسيح فى حياتى
ربنا يبارك حياتك ويفرحك بعمل التوبة الدايمة و عمل المسيح و محبته اللانهائية