ركن جدو كرمشة و مشاكل الشباب

حالتى غريبة قوى يا جدو

13 كانون2/يناير 2010

حالتى غريبة قوى يا جدو كل ما اجى انام احس ان فى تعابين حوليا وبموت واترعب وانط من السرير واول ما ارشم الصليب ارتاح لكن بيرجع اتخيلات والرعب تانى انا بقيت مش بنام يا جدو اعمل ايةereny

هالة

13 كانون2/يناير 2010

هو مش سوال لكن دردشة او طلب ارشاد على انى بحب ربنا قوى لكن الخطية عاملة سحابة بينى وبينة كل اما اقرب منة القى الخطية سيطرت عليا وبعدتنى عنة انا ضعيفة قوى ومش عارفة اعمل اية انا عايزة رضا يسوع ليا ومحبتة ليا ما تقلش ساعدونى شكرا للرد مقدما hala

عايزنى اسيب المسيح

13 كانون2/يناير 2010

أنا فى اولى اداب وليه واحد صحبى لسه متعرف عليه غير مسيحى، عمال يكلمنى وعايزنى ابقى زيه بس انا مكبر منه انا عايز موضوع يثبتله اننا على حق ويفكر انه يبقى مسيحى بس انا مش عارفtootaazP

ارواح المنتقلين

13 كانون2/يناير 2010

هل ارواح المنتقلين من اسرانا تحس و تشعر بحزن اسراهم عليهم؟Neveen

أذكر من أين سقطت و تب

13 كانون2/يناير 2010

انا تعبان اوى اوى كان ليا علاقة حية مع ربنا بسم الرب يسوع كنت بخرج شياطين وشفاء مرضى المجد لله كنت بصوم كتير اوى طى 4 ايام 6 ايام من غير ماكل اى شى لكن يا جدو تعال شوفنى دلوقتى انا عاوز ابكى صدقنىN

من يقبل إلى لا أخرجه خارجا

29 نيسان/أبريل 2010

ازيك يا جدو اية اخبار صحتك يارب تكون بخير انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوترمريم

طمنا عليك

29 نيسان/أبريل 2010

اين انت يا جدو مفيش اسئلة ولا اى حاجة ابقى طمنا عليك ereny

ازاى اختار صاحبى الانتيم

29 نيسان/أبريل 2010

قد خدعت من انتيمتى و لا استطيع مواجهتها و اخشى ان افعل الى نفسى انتيمه اخرى لألا انخدع مره اخرى ماذا افعل؟ واذا حدث كيف اخترها؟NANA

جسدى و أنا

29 نيسان/أبريل 2010

كيف ينبغى أن نبغض الجسد ونعتبره عدونا فى حين أن الله خلقنا على صورته ومثاله وأن الرب يسوع تجسد بجسد مثلنا شابهنا فى كل شىء ما خلا الخطية وحدها hany backy

هل يجوز ....لا يجوز

29 نيسان/أبريل 2010

هل يجوز ان يتزوج المسيحى الارثوذوكسى من ارملة اخية المتوفى لاى سبب من الاسباب ؟ أرجو الاجابة مع السرية التامة م

بحبه يا جدو ...اعمل ايه؟

29 نيسان/أبريل 2010

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا...

جدى عنده 84 سنه

29 نيسان/أبريل 2010

انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروبmody

تذكار الشر الملبس للموت

29 نيسان/أبريل 2010

انا شاب عشة فترة فى الخطية فعلة اشياء وصلة ان قال علية الرب فى سفر اللاوين ملعون ولكنى كنت متعمد فى معمودية كاثوليكيا ورحت لاب اعترافى وقالى ان المعمودية هتغفرك كل دة واكنك هتبدا من جديد عشة فترة كنت متقرب فية للربنا ولكن عدو الخير مش هيتغلب بسهولة المهم انا...

حبيت واحد من النت وهو حبني

29 نيسان/أبريل 2010

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي...

وقعت معاه فى خطية جسدية

29 نيسان/أبريل 2010

انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية جسدية لكن...

نادمة ومحتارة

تعطيل النجومتعطيل النجومتعطيل النجومتعطيل النجومتعطيل النجوم
 

ارجوك ياجدو تريحنى وترد على اناتعبانة جدا ومحتارة وندمانة على زواجى من ابن عمتى هو انسان طيب وبيخاف ربنا جدا وفى كل مشكلة تقف قدامنا يطلب منى اننا نصلى لكن رغم كده انا نفسيا تعبانة وبمر بمرحلة بحس ان الموت اهون على لانى بدات احس بفرق السن الكبير بينه وبينه انا عندى 28 وهو 43 ومتوجين من سنتين وعندنا طفل غيرانه مسافر بالخارج والمفروض انى فى انتظار ورقى يخلص واسافرله لكن هو خبا على امور كتير فى بداية الجواز مكنش واضح فيها وكان دايما يوعدنى انه هيعوضنى كتير عن تعب ومشاكل عشتها فى البيت مع زوجة ابى بالرغم من ان اتقدم لى ناس كتير لكن كنت برفض لكن هو موضوعه جه بسرعة وفى خلال شهرين كنا اتجوزنا بس مش قادرة اسامحه وانسى مواقف لى مضايقنى وكدبه على فى كذا موضوع ولا قادرة اشعر بسعادة معاه ودايما فرق السن قدام عينى زى كابوس واحساسى بالندم لتسرعى فى الجواز منه بس انا كنت تعبت من مشاكلى فى البيت والنتيجة انا اشعر بحيرة وخاصة لما اقارن حلتى باصحابى اللى من سنى واتجوزو من نفس سنهم وبشاهداتهم بجد تعبانة والاكتر جوايا احساس فظيع بالمرارة والحزن لانى مكنتش مرتاحة قبل اجواز ولا بعد الجواز مش شايفة غير واحد كدب على وعاش حياته واتجوزنى وسبنى وسافرورغم انى بصلى كتير ان ربنا يلمس قلبى واتخلص من الندم ده عشان اقدر اربى ابنى واكمل حياتى مع جوزى سعيدة لكن مش قادرة ونفسى انصح كل البنات تصبر فى جوازها وافهمهم ان فرق السن الكبير ده عائق بين الزوجين بيكسر النفس وخاصة انه اخفى على ظروفه المادية والبلد الموجود فيها حاليا مفهاش شغل وعايشين فى حيرة منها علاقتى بى حاسة قلبى اتقفل من ناحيته ومنها انه صعبان على ظروفه الى بيمر بيها ومش عارفة اعمل ليه نفسى حد يريحنى على الاقلاقدر انام من غير ماافكر واقدر اكمل حياتى مع جوزى وانسى كل الامور ده بجد موجوعة من جوايا ارشدنى ياجدو من فضللك وحس بىوبضيقة نفسى وارجوك وفر على تعب وتفكير يوم ورد على بسرعة
nh


لازم تعرفى انه مفيش حد كامل غير الله والشخص الممتاز بيبقى عنده عشر درجات او اكثر سقط فيهم زى ماقال ابينا البطريرك المتنيح الانبا شنودة الثالث، يعنى ممكن هو جميل فى كل حاجة لكنه كدب عليكى...انا مش بمدح الكدب...لكن يجوز هو عمل كده و قدم توبة وربنا قبلها منه و سامحه و انتى لسه!!! ياريت تعملى زى ربنا وتسامحيه ...اما كونك اتسرعتى ...فالندم لا يفيد بشىء....لكن تعالى نبص للنقط المضيئة اللى فى الموضوع انه طيب و بيخاف ربنا و كمان رجل صلاة و اللى يعرف يصلى ...يعرف يتوب و ربنا يبقى قدامه و هو إنسان الله اللى يعرف طريق السما و يعرف يربى ابنه فى مخافة ربنا ....يمكن يكون فرق السن متعب شويه فى الاول لغاية ما تتعرفوا على طباع بعض، لكن انتى قولى دى عطية ربنا لى و إشكرى ربنا و اوعى تقارنى بينه و بين اى حد تانى، علشان الشيطان ميجربكيش فى تجارب صعبة تضيع حياتك.
اوعى تقتكى انك بتضيعى شبابك مثلا ....لو كده يبقى المسيح ضيع شبابه على ولا حاجة، لكن المحبة اللى لربنا تخليكى تكرمى زوجك و تحبيه من أجل تعبه فى السفر و غربته من أجل توفير لقمة عيش كريمة و متخافيش من المستقبل لانه فى ايد ربنا وحده. شوفى كل النقط المضيئة و إفرحى بيها و انتى قربى منه وقولى لنفسك هو انا يعنى خالية من العيوب؟ ما انا فى كذا و كذا و هو مستحملنى ...فقلبك يفرح بيه و زواجك يمشى فى سلام.....و الاهم من العمر اللى نقضيه هنا على الارض و السعادة الوقتيه ....نبص على السما و إزاى نرضى الله فى محبتنا للآخرين و اولهم زوجك اللى تعتبريه من دلوقتى عطية ربنا ليكى ..وقولى لنفسك أنه العمر بتاع ربنا و محدش ضامن عمره سواء انتى او زوجك....فنحول الايام اللى عايشينها لأيام فرح و سلام و خدمة منك ليه والعكس، فربنا يفرح بالبيت اللى فيه سلام و صلاة و يسكن فيه و يحوله لبيت زى بيت لعاذر يستريح فيه.

 

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم