ركن جدو كرمشة و مشاكل الشباب

حالتى غريبة قوى يا جدو

13 كانون2/يناير 2010

حالتى غريبة قوى يا جدو كل ما اجى انام احس ان فى تعابين حوليا وبموت واترعب وانط من السرير واول ما ارشم الصليب ارتاح لكن بيرجع اتخيلات والرعب تانى انا بقيت مش بنام يا جدو اعمل ايةereny

هالة

13 كانون2/يناير 2010

هو مش سوال لكن دردشة او طلب ارشاد على انى بحب ربنا قوى لكن الخطية عاملة سحابة بينى وبينة كل اما اقرب منة القى الخطية سيطرت عليا وبعدتنى عنة انا ضعيفة قوى ومش عارفة اعمل اية انا عايزة رضا يسوع ليا ومحبتة ليا ما تقلش ساعدونى شكرا للرد مقدما hala

عايزنى اسيب المسيح

13 كانون2/يناير 2010

أنا فى اولى اداب وليه واحد صحبى لسه متعرف عليه غير مسيحى، عمال يكلمنى وعايزنى ابقى زيه بس انا مكبر منه انا عايز موضوع يثبتله اننا على حق ويفكر انه يبقى مسيحى بس انا مش عارفtootaazP

ارواح المنتقلين

13 كانون2/يناير 2010

هل ارواح المنتقلين من اسرانا تحس و تشعر بحزن اسراهم عليهم؟Neveen

أذكر من أين سقطت و تب

13 كانون2/يناير 2010

انا تعبان اوى اوى كان ليا علاقة حية مع ربنا بسم الرب يسوع كنت بخرج شياطين وشفاء مرضى المجد لله كنت بصوم كتير اوى طى 4 ايام 6 ايام من غير ماكل اى شى لكن يا جدو تعال شوفنى دلوقتى انا عاوز ابكى صدقنىN

من يقبل إلى لا أخرجه خارجا

29 نيسان/أبريل 2010

ازيك يا جدو اية اخبار صحتك يارب تكون بخير انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوترمريم

طمنا عليك

29 نيسان/أبريل 2010

اين انت يا جدو مفيش اسئلة ولا اى حاجة ابقى طمنا عليك ereny

ازاى اختار صاحبى الانتيم

29 نيسان/أبريل 2010

قد خدعت من انتيمتى و لا استطيع مواجهتها و اخشى ان افعل الى نفسى انتيمه اخرى لألا انخدع مره اخرى ماذا افعل؟ واذا حدث كيف اخترها؟NANA

جسدى و أنا

29 نيسان/أبريل 2010

كيف ينبغى أن نبغض الجسد ونعتبره عدونا فى حين أن الله خلقنا على صورته ومثاله وأن الرب يسوع تجسد بجسد مثلنا شابهنا فى كل شىء ما خلا الخطية وحدها hany backy

هل يجوز ....لا يجوز

29 نيسان/أبريل 2010

هل يجوز ان يتزوج المسيحى الارثوذوكسى من ارملة اخية المتوفى لاى سبب من الاسباب ؟ أرجو الاجابة مع السرية التامة م

بحبه يا جدو ...اعمل ايه؟

29 نيسان/أبريل 2010

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا...

جدى عنده 84 سنه

29 نيسان/أبريل 2010

انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروبmody

تذكار الشر الملبس للموت

29 نيسان/أبريل 2010

انا شاب عشة فترة فى الخطية فعلة اشياء وصلة ان قال علية الرب فى سفر اللاوين ملعون ولكنى كنت متعمد فى معمودية كاثوليكيا ورحت لاب اعترافى وقالى ان المعمودية هتغفرك كل دة واكنك هتبدا من جديد عشة فترة كنت متقرب فية للربنا ولكن عدو الخير مش هيتغلب بسهولة المهم انا...

حبيت واحد من النت وهو حبني

29 نيسان/أبريل 2010

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي...

وقعت معاه فى خطية الزنا

29 نيسان/أبريل 2010

انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية الزنا لكن...

انا كنت عايزة اسمية داود ومات خلاص فى شهرين؟

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

ارجوك رد عليا .. من فضلك مساء الخير ياجدو انا بنت مرت بمشاكل كتيير فى حياتى اتربيت فى بيت صعب وحاولت كذا مرة اهرب ومرة انتحر بسبب المشاكل مش هى المشكلة، المشكلة حتى لما اتخطبت ومرت بمشاكل رهيبة ..واخيرا اتجوزت (انا معشت اى مرحلة فى عمرى..لا طفولة ولا مراهقة ولا شباب ولا خطوبة كانت حماتى اللة يسامحها اعترضت على الجواز وفترة الخطوبة مكنتش بشوف خطيبى لا اى حاجة ) مش هقولك انى وجهتنى مشاكل صحية كمان المهم بعد الجواز كان عندى هاجس انى مش هخلف وخصوصا انى عندى مشاكل وتكيسات وهرمونات ملخبطة بعد شوية علاج حملت لاول مرة احس بالفرح فى حياتى يوم فرحى نفسة مفرحتش بية لان حماتى كان معيطنى مشمهم بعد مافرحت وسمعت نبض الطفل النونو مات فى بطنى انا عارفة ان ربنا بيعمل للخير وانه بعتلى جوزى وهو انسان رائع وبعدين انا معرفش بكرة وبثق فى محبتة بس هو لية مكملش للاخر انا اول واحدة فى العيلة تسقط اشمعنى انا ؟ لية فرحنى واخد فرحتى منى انا كنت عايزة اسمية داود ومات خلاص فى شهرين؟ انا متلخبطة بالرغم انى حاسة انى قوية وانى تقبلت الصدمة والحمد للة صلى لى كتيييييير انا نفسى فى طفل قوى

ام دودو

 

التجارب الصعبة ربنا بيديها للناس الأشداء و بيجهزهم لمهام كبيرة فى الحياة، يعنى داوود مثلا اللى انتى بتحبى اسمه، جه صموئيل النبى و رسمه ملك و رغم من إنك ملك لم يكن له اى مملكة و فضل بيتحارب من شاول الملك المنزوع عنه الملك سنين طويله مع محاولات لقتله، وعاش فى أسى كتير لغاية ما تقوى و تشدد إنه يصلح انه يكون ملك يرعى شعبه رعاية حسنه.

كمان يوسف الصديق و التجارب اللى عدى فيها و إزاى إخوته باعوه كعبد!! وراح مصر و نظير امانته و طهارته إترمى فى السجن بين اللصوص و القتلة!!....لكن ربنا كان بيعده ان يصير الرجل الثانى فى مصر و مخلص العالم من المجاعة فى الوقت ده.

وغيرهم كتير....فى وسط آلامك و معاناتك حاولى تشكرى ربنا ...ساعتها ربنا يحول الضيقة لبركة تفرحى بيها و يبعت ليكى تعزيات...انا معرفش ارد على السؤال بتاع ليه ربنا مسمحش للبيبى الجديد انه يكمل، لكن أحنا لازم نثق فى حكمة ربنا و محبته فى كل الاوقات...اوقات الفرح و أوقات الضيقة و الحزن وده اللى بيفرق اولاد ربنا عن اى حد تانى....اى حد تانى بيفرح بالعطية وينسى ربنا....لكن ولاد ربنا بيفرحوا بربنا مع العطية و من غير العطية و بيعتبروا ان آلام هذا الزمان الحاضر لا تقاس بالمجد

رومية ٨:‏١٨ فَإِنِّي أَحْسِبُ أَنَّ آلاَمَ الزَّمَانِ الْحَاضِرِ لاَ تُقَاسُ ‍بِالْمَجْدِ الْعَتِيدِ أَنْ يُسْتَعْلَنَ فِينَا.

و ساعات ربنا بيدى الضيقة علشان يكبر الإكليل شويتين، يعنى يدينا آلام و يعوضنا عنها فى الابدية بمجد أكبر من اللى حوالينا اللى مقدروش يستحملوا

 

ربى يسوع.. إني أتأملك مصلوبا و قلبي كالصخر، ما هذا الجفاف الروحي؟ يارب أفض فيّ ينبوع دموع.. يا ربي يسوع اضرب الصخرة فتفيض دموعا " أبونا بيشوى كامل "

ربي يسوع أنا لا أطلب صليبا معينا.. و لكن الذي تختاره مشيئتك لي، و أنا لا أريد أن أعرض عليك خدماتي.. بل أن تستخدمني أنت فيها " أبونا بيشوى كامل "

حدثيني يا أم الله القديسة، ماذا حدث لك عندما انغرست الحربة في جنب ابنك؟ كعادتك سوف تصمتين لأنك لن تتذمري أبدا و لم تشتكي أبدا " أبونا بيشوى كامل "

يا أبتاه.. الآن أعطني أن أقرأ في كل حركة طول يومي، ما هي مشيئتك، و أتممها بأسرع ما يكون، و بفرح عظيم. عندئذ سأرى من حيث لا أدري إني في حضن أبي " أبونا بيشوى كامل "

يا أبتاه.. كل المشاكل، كل التفكير في هموم العالم.. كل ما يسبب لي شرودا في الصلاة، أعطني أن أضعه بين يديك و أقول : لتكن مشيئتك " أبونا بيشوى كامل "

 

 

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم