انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية جسدية لكن مع الاحتفاظ بعذريتى ندمت جدا على اللى عملته وقررت اقطع علاقتى بيه لكن هو بيحبنى وعايز يتقدملى لرابع مره خايفه اوافق عليه واقنع اهلى ويتم الجواز بعد كده يذلنى بالماضى اللى حصل بينى وبينه ويعايرنى انى سلمتله نفسى قبل الجواز (اولا بطلب منك انك تصلياى ان ربنا يسامحنى لانى ندمانه ندم شديد) وعايزاك تقولى رايك اوافق ولا اعمل ايه ارجوك ترد عليا بسرعه لانى محتاجه الرد
dodo
موافقة الأهل شىء اساسى فى موضوع الإرتباط، وأنا أنصحك بالآتى
إقطعى كل صلة بيه، لانه مش هيقدر يصونك و يحافظ عليكى يابنتى
قدمى توبة قويه بصلاه و صوم و ميطانيات
روحى زورى أب إعترافك، ولو ماكانش عندك، لازم تاخدى اب إعتراف بسرعة
إتناولى و امسكى فى ربنا بإيديكى و سنانك ، ربنا بيسامح اى خطية مهما كانت كبيرة ده درس تتعلميه و إوعى الشيطان يضحك عليكى و يقوللك ده حب، الحب مسؤليه و إلتزام و إحترام و تضحية من أجل إسعاد الآخر مش الإستمتاع بيه و اللى يحصل يحصل و خوف من ربنا لكنه مش إستهتار و لعب بعواطف ولا وقوع فى خطية ولا الترتيب ليها، الحب واضح قدا الكل مش من ورار الاهل
التوبة القوية و الدموع مقبولة قدام ربنا، الصلاه الجميلة اللى فى المزمور الخمسين ، إرحمنى يالله كعظيم رحمتك و مثل كثرة رافتك إمح إثمى...طهرنى من خطيتى
المسيح جميل و حنين بيقبل الكل فى حضنه، حضنه دافى ،حلقه حلاوة و كله مشتهيات، و بيقول و هو فاتح دراعاته
التفتوا اليّ واخلصوا يا جميع اقاصي الارض لاني انا الله وليس آخر اش 45 : 22