انا مخطوبة و خطيبى مش بيحب يخرج معايا الا فى وجود صاحبتى و خطيبها (صاحب خطيبى) ، ولو خرج معايا لوحدنا بينكد عليا مش بكون فرحانة ، ولا بيحب يروح معايا اى فرح . فى سبيل انه ممكن يتفق مع اصحااابه و بيكون مبسوط لما صحابه يكونوا موجودين فى المكان لكن معايا لا. مش بيحب يقف جنبى قدام الناس خااالص . لما بكون موجودة يسيبنى و يهرج مع اصحابه انا لوحدى و انا معاه . اللى فالح فيه بس انه بيحب يحط ايده على كتفى و وسطى . انا بخاف مش عايزة كدة عشان مش وقتها دلوقتى كذا مرة. طبعا اللى باخده منه نكد و يبعد عنى اكتر – عنييييد جدا . انا احيانا بحس انه بيحط ايده عليا مش عشان حاجة الا انه عند منه عشان انا مش عايزة كدة. طب اعمل ايه مش عارفة اعمل حاجة و خايفة اندم طووول عمرى . خايفة اكون بفكر غلط مش عارفة.
هو انسان كويس بس انا مش عارفة هو كده معايا ليه؟ على الرغم من كل دة حصلت مشااااكل كتيرة اوى بيننا كلها او اغلبها كانت بسبب صاحبتى. بيهتم بيها جدااااااا بطريقة غير عادية . ممكن اقول اكتر من اهتمامه بيا . اتخانقنا كتيير بس المشكلة هو بيتلكك بصاحبه . انتى هتفرقى بينى و بين صاحبى. لو بعدت عنها بيقى انا ببعد عن صاحبى . لدرجة ان خلاص كنت هفك . هو هدى المواضيع شوية .
بعد كده خطيبى مسكتش كان بيتلكك عشان نخرج معاها هى و صاحبه (صاحبتى و صاحبه دلوقتى مخطوبين) . ال ايه نحتفل بعيد ميلاد صاحبه و عيد ميلادها و عيد ميلادى مع بعض مع انه عارف و متأكد انى مش هكون مبسوطة . كل اللى هو بيقوله ليا سامحيها و حبيها ربنا علمنا كده ان احنا نحب كل الناس . لما بيجننى . و لازم نخرج . و بنفس الطريقة مش مرة واحدة بجد كااان بيحارب عشان يخرج معاااااهم. انا كنت بعاند ومش هاممنى حتى ولو فكيت . بس هو كان بيحاول يمشى الامور. وكمان حجزنا ليوم الاكليل. بس انا تعبانة جدا مش عارفة ايه الصح و هو بيعمل كده ليه؟؟؟؟؟؟؟؟؟؟؟ انا عارفة انى لو اتجوزته هفضل طووول عمرى تعيسة . بس مش عارفة اعمل ايه بجد و مش عايزة انا اللى اسيبة و لو هقوله ايه ؟ و مش ضامنة ان حد تانى يجى لى كويس بجد مفيش حد فى الدنيا دى كلها كويس كل النااااس وحشييين . يعنى مش ضامنه ممكن اندم عليه و يكون افضل من غيره . انا بجد من ساعة ما ارتبطت و انا مخنووووقة من الدنيا مش طايقة نفسى.
tote
شوفى لو ماكانش فيه فرحة فى الخطوبة غالبا مش هيكون فيه فرحة بعد الجواز، اختياراتك حتحدد حياتك، لو فكيتى مش بالضرورة مش هتلاقى، الاحتمالات كلها موجودة و انا اعرف بنات كتير فكت اكتر من خطوبة و فى النهاية هما عايشين سعدا و فرحانين بإختيار ربنا ليهم.
مهم انه فى إختيارك يكون ربنا نمرة واحد، بس انا فى رسالتك مسمعتش عن ربنا خالص، و دى حاجة مزعلانى، لانه الله هوه مصدر الفرح و السلام ....فى الخطوبة و فى الفرح و فى السما. اطلبى من ربنا انه يتدخل فى مشكلتك و حولى الضيقة و الخنقة لصلاة قوية توصل للسما و تدخل طلبتك وصلاتك الى محضر ربنا يسوع المسيح وهو هيتدخل ويختار لك الصالح ...اطلبى مشيئة ربنا و إرادته فى حياتك و سيبك من المشاكل الفرعية اللى شاغلة نفسك بيها، المهم انه ربنا يسوع المسيح يكون فى حياتك و حياة خطيبك و بيتك يكون مبنى على أساس قوى هوه ربنا ...فأى مشاكل مش ممكن تهزه لانه الصعب جاى قدام مش فى الخطوبه.
الجأى لربنا و اليومين دول فيهم الصيام الكبير، إحضرى قداسات و إذكرى اساميكم على المذبح، ربنا يتدخل و يكون شريك فى اختيارك و يفرح قلبك بإجابته