اولا بجد مش عارف اشكرك ازاى على سرعه الرد عليارغم انى بعت المشكله امبارح قولت صعب انك ترد عليا النهارده وبجد متعرفش مقدار سعادى باهتمامك بمشاكلنا ياجدو اولا اه انا صاحب مشكله الانفصال مش هوه الحل بس على فكره اللى انتى قولته انا معاك انا حاولت ماه وخليتها تاخد كورسات عربى وانجليزى على مدار سنتين بس للاسف بدون نتيجه بس هى تقدر تقول عليها حد محترم جدا
ومستوى التدين عندها عالى ومش هكذب عليك بفكر كتير انى النعمه اللى انا فيها ممكن تكون هى حزء منها بس انا للاسف حد مجنون شويه وقولتلك انا مفتقد الاحتواء من الصغر واللى كانت هتضحك عليها وهتجرنى ليها عرفت تحتوينى ياجدو انا بشوف وبتعامل مع ناس كتير من كل الاشكال والمستويات وكان نفسى الاقى الاهتمام والاحتواء فى بيتى كان نفسى تحاسبنى وتقترح عليا وتخطط معايا مستقبلنا لكن هيه كل تفكيرها ينحصر فى البيت وطلباته وعايزه اجيب سياره زى فلانه وعايزه اعمل كذا زى علانه وعايزه وعايزه وعايزه بجد انا اشتريت راحه بالى ودماغى انى بستجيب لطلباتها علشان اشوف شغلى ودنيتى صدقنى مااصعب شعور انى اللى معاك او الانسان اللى مرتبط بيه اقل فى نظر الجميع مش فى نظرك بس وبلاش ياجدو الكلام الدبلوماسى لانى صدقنى مش هيحل مشكله انا تاجر واعرف وبحس لنى مشروعى امتى خسران وامتى هاقدر اقلل الخساره وامتى ممكن اخليه ينجح علشان كده انا قللت الخساره وسايبهم عايشيين معايا وطلباتهم كلها مجابه وبتجيلهم فى ساعتها مهما كانت علشان كده انا رضيت بالامر الواقع بس قولت ممكن تقولى اغير ازاى لانى ابتديت ازهق وحاولت صدقنى معاه بس للاسف الطبع بيغلب التطبع وهيه تفكيرها مش جايب اكتر من البيت وطلباته
saint_of_egypt
لو انت تاجر شاطر تقدر تخلى المشروع الفاشل ناجح ده اولا
النقطة التانية هى ان الزواج جهـــــــــــــــــــاد، مش مفروش بالورود زيه زى الحياة الروحية جهــــــــــاد طول الوقت علشان نقدر يكون لينا مكان فى السما
ربنا هيدور على المحبة فى كل عمل بنعمله مش بس انه احنا نسدد طلبات اللى حوالينا، لكن المحبة اللى ورا تسديد الطلبات
خللى ده تدريبك طول حياتك، فى كل تعب تتعبه من اجل مراتك او اولادك، خللى المحبة هى اساس تعبك، بتتعب علشان تقدم لهم محبة مش علشان تبقى عملت اللى عليك
خللى بالك انه لا السم و لا العيلة و لا مقدار ما حققناه من ارقام فى البنك هتضمن لينا الابدية مع ربنا يسوع المسيح
جاهد انك تكسب السما و طريقك هوه محبتك للى حواليك و اولهم زوجتك
ربنا يكون معاك و يفرح قلبك
