ركن جدو كرمشة و مشاكل الشباب

حالتى غريبة قوى يا جدو

13 كانون2/يناير 2010

حالتى غريبة قوى يا جدو كل ما اجى انام احس ان فى تعابين حوليا وبموت واترعب وانط من السرير واول ما ارشم الصليب ارتاح لكن بيرجع اتخيلات والرعب تانى انا بقيت مش بنام يا جدو اعمل ايةereny

هالة

13 كانون2/يناير 2010

هو مش سوال لكن دردشة او طلب ارشاد على انى بحب ربنا قوى لكن الخطية عاملة سحابة بينى وبينة كل اما اقرب منة القى الخطية سيطرت عليا وبعدتنى عنة انا ضعيفة قوى ومش عارفة اعمل اية انا عايزة رضا يسوع ليا ومحبتة ليا ما تقلش ساعدونى شكرا للرد مقدما hala

عايزنى اسيب المسيح

13 كانون2/يناير 2010

أنا فى اولى اداب وليه واحد صحبى لسه متعرف عليه غير مسيحى، عمال يكلمنى وعايزنى ابقى زيه بس انا مكبر منه انا عايز موضوع يثبتله اننا على حق ويفكر انه يبقى مسيحى بس انا مش عارفtootaazP

ارواح المنتقلين

13 كانون2/يناير 2010

هل ارواح المنتقلين من اسرانا تحس و تشعر بحزن اسراهم عليهم؟Neveen

أذكر من أين سقطت و تب

13 كانون2/يناير 2010

انا تعبان اوى اوى كان ليا علاقة حية مع ربنا بسم الرب يسوع كنت بخرج شياطين وشفاء مرضى المجد لله كنت بصوم كتير اوى طى 4 ايام 6 ايام من غير ماكل اى شى لكن يا جدو تعال شوفنى دلوقتى انا عاوز ابكى صدقنىN

من يقبل إلى لا أخرجه خارجا

29 نيسان/أبريل 2010

ازيك يا جدو اية اخبار صحتك يارب تكون بخير انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوترمريم

طمنا عليك

29 نيسان/أبريل 2010

اين انت يا جدو مفيش اسئلة ولا اى حاجة ابقى طمنا عليك ereny

ازاى اختار صاحبى الانتيم

29 نيسان/أبريل 2010

قد خدعت من انتيمتى و لا استطيع مواجهتها و اخشى ان افعل الى نفسى انتيمه اخرى لألا انخدع مره اخرى ماذا افعل؟ واذا حدث كيف اخترها؟NANA

جسدى و أنا

29 نيسان/أبريل 2010

كيف ينبغى أن نبغض الجسد ونعتبره عدونا فى حين أن الله خلقنا على صورته ومثاله وأن الرب يسوع تجسد بجسد مثلنا شابهنا فى كل شىء ما خلا الخطية وحدها hany backy

هل يجوز ....لا يجوز

29 نيسان/أبريل 2010

هل يجوز ان يتزوج المسيحى الارثوذوكسى من ارملة اخية المتوفى لاى سبب من الاسباب ؟ أرجو الاجابة مع السرية التامة م

بحبه يا جدو ...اعمل ايه؟

29 نيسان/أبريل 2010

انا بنت فى سنة 3 كلية احب شاب من 8 سنوات ونتعامل مع بعض معاملة عادية ولا اعرف مشاعرة الى الان اتجاهى ولكن طريقتة فى التعامل تدل على اهتمامة وطريقة تعامل ابية وامة معى تدل على اهتمامهم بى ولكن لا يوجد اعتراف واضح به وانة يخشى ان يوعدنى بشئ ولا...

جدى عنده 84 سنه

29 نيسان/أبريل 2010

انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروبmody

تذكار الشر الملبس للموت

29 نيسان/أبريل 2010

انا شاب عشة فترة فى الخطية فعلة اشياء وصلة ان قال علية الرب فى سفر اللاوين ملعون ولكنى كنت متعمد فى معمودية كاثوليكيا ورحت لاب اعترافى وقالى ان المعمودية هتغفرك كل دة واكنك هتبدا من جديد عشة فترة كنت متقرب فية للربنا ولكن عدو الخير مش هيتغلب بسهولة المهم انا...

حبيت واحد من النت وهو حبني

29 نيسان/أبريل 2010

مشكلة محيراني هي اني حبيت واحد من النت وهو حبني اوي وشوفنا بعض مرة وقعدنا مع بعض وبنكلم علي النت اكتر من سنة ونص بس المشكلة ان اخواته لسة متجوزوش وهما اكبر منه ومستنين اما يتجوزو انا بجد بقي كل حاجه عندي ومش قادرة استغني عنه وان كان هو بيشتكي...

وقعت معاه فى خطية جسدية

29 نيسان/أبريل 2010

انا فتاه جامعيه 19 سنه تقدم لخطبتى شاب موتسط التعليم وظروفه الماديه بسيطه فرفضوا اهلى بشده واتقدم مره تانيه وثالته وبرضه اترفض وانا كنت موافقه ومع ذلك اترفض مرت الايام وكنت بكلمه من ورا اهلى وكنت بقبله لحد ما العلاقه اتطورت بينا ووصلت انى وقعت معاه فى خطية جسدية لكن...

انا بفكر فى الموت كل ثانية ومش لاقيه حد اشكى له

تعطيل النجومتعطيل النجومتعطيل النجومتعطيل النجومتعطيل النجوم
 

ياريت ترد على بجد انا نفسى اكلم حد ويرد على ارجوك لو وصلك الموضوع ترد على ياجدو ارجوك انا شابة عندى 18 سنة ومخطوبة وانا عندى اخ صغير عنده توحد وبنعمله تمارين  تنمية مهارات وتخاطب من سنتين لغاية دلوقت وبرضه مفيش فايده ومش بيتكلم وانا بجد ابتديت افقد الامل فى ربنا والبيت كله كئيب وخصوصا ان هو الطفل المدلل

لان اخى الكبير وهو الصليب الكبير عمره 23 سنة وهو عنده ضعف ذكاء يعنى ميعرفش ولا حاجة فى الدنيا ديه كلها يعنى هو ربنا لازم يدينا الولدين تعبانين انا بخاصم ربنا بالايام وببكى كتير اوى وهو ولا راضى يدينى اى اشارة يبقى فى منها امل انا تعبت اوى من كتر الجلسات بتاعته تعبت اوى اوى اوى ونفسى حد يشيل عنى وانا متاكده ان مفيش حد هيرفع الصليب ده عنى غير ربنا وهو مش راضى يرفعة وانا خلاص تعبت اوى ومش قادره اكمل خالص وماما ولا بابا مينفعش اصلا انطق بانى تعبت كفاية اوى اللى هما فيه ومش لاقيه حد اكلمه حتى اصحابى اللى بحبهم اوى بعدوا عنى من ساعة ماقعدت فى البيت هما كملوا دراستهم فى الكلية وانا اعلى مجموع فى كل اصحابى  قعدت فى البيت علشان اخويا تعبان ليه ليه؟ ليه ربنا عايز كده ؟ انا تعبانة وعلى طول ببكى وخطيبى بيحبنى وانا كمان بحبة بس بحسه بشخصيتين مرة يقعد يتكلم كلام حب وكلام حلو وساعات يزعق ويتعصب على  من غير سبب يستدعى ده انا بحبه بس انا مضغوطة محتاجة حد يرفع عنى مش يزود ودلوقتى اتحدد ميعاد الاكليل فى شهر 7 انا بجد خايفة من كل ثانية جاية انا مرعوبة من مستقبلى واخويا هيعمل ايه بعد جوازى مين هيكمل رحلة علاجة انا مش عارفة اعمل ايه ارجوك رد على انا بفكر فى الموت كل ثانية  ومش لاقيه حد اشكى له او اكلمه حتى اب اعترافى مش فاضى علشان اقعد معاه وانا مش بعيده عن ربنا انا صايمة وبصلى وبروح الكنيسة كل اسبوع واتناول يعنى قريبة من ربنا بس هو اللى بعيد عنى ومن غير سبب ارجوك رد لى ياجدو ارجوك ياجدووووووو
karo

مين قالك بس انه ربنا مش سامعك و مش حاسس بيكى؟ ده ربنا سامع كل كلمة فكرتى فيها و مقولتيهاش لحد، ده سامع كل تنهيده و كل زفرة اسى و حزن، ده هوه الخالق الطيب الحنين اللى حاسس بكل واحد من جوه لانه المسيح الله هوه الصديق الالصق من الاخ، و هو اللى قال عن نفسه انه لو نسيت الام رضيعها انا لا انساكم، و قال انه بيجمع احباؤه كما تجمع الدجاجة فراخها تحت جناحيها

المسيح طيب جدا و صالح جدا لكن ساعات فى وسط التجربة الشديدة مبنشوفش ليه ربنا بيعمل كده ليه؟ و لمصلحة مين بيحصل كده؟ و يكون جواب ربنا لينا زى ما جاوب بطرس
(إِنْجِيلُ يُوحَنَّا  13 : 7) اجاب يسوع وقال له لست تعلم انت الآن ما انا اصنع ولكنك ستفهم فيما بعد..

مش هفهم إرادة ربنا دلوقتى لكنى مسلم انه ده لصالحى و مصدق انه ربنا صالح و مش هيختار لى إلا الصلاح و انى فى يوم من الايام هفهم هوه عمل كده ليه

مهم انى اشكر ربنا لأن الشكر بفرح القلب التعبان.....جربى مرة و انتى فى عز الضيقة تقولى اشكرك يارب....فلنشكر المسيح الهنا زى ما لحن لبش الهوس التانى بيقول...مارين اواونه ايفول امبى اخرستوس....وربنا هيفرح قلبك، و خليكى ايجابية و دورى على ربنا فى وسط التجربة و قوليله مش مهم قد ايه صعبة لكن المهم انى اشوفك فى وسط الضيقة و وسط التجربة

إفتكرى لما التلاميذ كانوا فى السفينه و معذبين من الريح الشديدة حتى ان السفينه كادت تغرق

(إِنْجِيلُ لُوقَا  8 : 24) فتقدموا وايقظوه قائلين يا معلّم يا معلّم اننا نهلك.فقام وانتهر الريح وتموّج الماء فانتهيا وصار هدوء..
لو انتى شايفة انه سفينه حياتك معذبة فى وسط الامواج فقدامك حل من حلين:

الاول انك تنامى و ترتاحى لأنه المسيح نايم و مرتاح جوه السفينه فمتخافيش مهما عليت الامواج لأنه فى النهاية يقدر بكلمة يهدى الموج و ينقذ السفينه

التانى انك تيقظى المسيح و تقوليله زى ماقال للتلاميذ اما يهمك اننا نهلك،  المسيح هيقوم ويهدى الريح قبل الميعاد وساعتها هيقولك زى ماقال للتلاميذ
ثُمَّ قَالَ لَهُمْ:«أَيْنَ إِيمَانُكُمْ؟»

التجربة ليها فوايد مهمة انه احنا بنشوف المسيح، ايوب البار يقول فى اخر سفر ايوب بعد تجربته القاسية
(أَيُّوبَ  42 : 5) بسمع الاذن قد سمعت عنك و الان راتك عيني

و الثلاث فتيه القديسين الى اترموا فى اتون النار بدون سبب سوى حبهم لله، يشوفوا المسيح فى وسط الاتون معاهم

صدقى انه المسيح فى وسط اتونك و انتى مش لوحدك، مش ححاول اخفف عنك التجربه لانها قاسية و صعبة لكن احلى مافيها انه المسيح فى وسطها ركزى كل طاقتك و افكارك و صلواتك انك تشوفى المسيح فى وسط تجربتك
(إِنْجِيلُ يُوحَنَّا  20 : 19) ولما كانت عشية ذلك اليوم وهو اول الاسبوع وكانت الابواب مغلقة حيث كان التلاميذ مجتمعين لسبب الخوف من اليهود جاء يسوع ووقف في الوسط وقال لهم سلام لكم..

ربنا يسوع المسيح ابن الله يديكى و يدينا سلام الله الذى يفوق كل عقل

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم