مساء الخير ياجدو انا بنت عندى18 سنه مليش اصحاب فى الدنياكتير اوى بحتاج اتكلم مع حد ومش بلاقى حد اتكلم معاه مع انى والله صديقه جدعه اوى ومخلصه انا من 6شهور جتاى فكرى انى اخش على الشات المسيحى واتعرف على ناس واتعرفت على واحد مؤدب جدا ومحترم وفضلنا نكلم بعض كتير اوى وجيه فى يوم قالى انا معجب بيكى اوى وبحبك وفعلا اتجوبت معاه وحبيته وهو كان من نفس بلدى اسكندريه ونزلت قبلته وقعدنا مع بعض ولغايه دلوقتى لسه بنكلم بعض بس مش بنتقابل كنت عايزه اسالك هل العلاقه دى ناجحه وصح ولا حب النت ده مش بيستمر مع العلم انه شب كويس وياريت ترد عليه عالطول وطالبه منك طلب ياريت لو تعرفنى على اى صديقه من اسكندريه تكون حابه تصاحبنى ونتكلم مع بعض ونشوف بعض انا من اسكندريه من منطقه كرموز وحابه اتعرف على بنت تكون كويسه ياريت ترد عليه شكرا ياجدو
حذر قداسة البابا شنودة الثالث خلال المحاضرة النصف شهرية بالإسكندرية الفتيات التي تتعرف على شباب عبر الانترنت، حيث جاءه خلال المحاضرة سؤالًا من فتاة تقول: "تعرفت على شاب من خلال الإنترنت وطلب مقابلتي بالكنيسة".
فرد البابا إن الكنيسة ليست مكانًا لالتقاء الأحبة مشيرًا إلى إنها بذلك تسيء إلى سمعة الكنيسة، كما أكد أن البنت التي تسمح لشاب أن يتقابل معها من خلال تعارف من خلال الانترنت، سيشك الشاب في البنت وأخلاقها كما قال لها أخيرًا الآتي"إعقلي يابنتي "
ده كان رد قداسة البابا على سؤال مشابه لسؤالك ياريت تخللى بالك و تحذرى كل اللى برة البيت و بره معرفة الاب و الام و اب الاعتراف هو تهور مالهوش داعى
أما عن الاصدقاء قربى من كنيستك و اخدمى و هتلاقى اصدقاء كتير فى جو روحى مليان محبة
