مساء الخير ياجدو اولا بشكرك عشان رديت عليه عالطول انا كنت بكلمك عن الشخص اللى عرفته من على النت يعنى انت رايك انى ابعد عنه حتى لو هو كويس وعنده استعداد يخطبنى عالفكره انا سالته قبل كده انت واخد عنى فكره واحشه عشان قبلتك قالى كان ممكن اقول كده بس قبل ما اعرفك كويس يعنى رايك ابعد عنه كده من غير اى سبب ولا اعمل ايه ياريت تفهمنى وتقولى الحلول عالطول معلش ياجدو بتقل عليك انا عارفه
دمعة حزن
بصى لو مستعد يقابل أهلك و هوه شخص معروف فى كنيسته و فيه شهادة طيبة من اب اعترافه يبقى كملى بانه يجى يخطبك... لو مفيش كل اللى قولته ده، اخلعى منه، لانه اللى جاى من النت مش عارفيين اصله ولا فصله و هل هوه مسيحى اصلا ولا مش معروف ايه حكايته؟!!
فيه حكايات كتيرة عن اشخاص و هميين بيدخلوا البيوت من غير ما نعرف اصلهم و بيبقوا اساتذه فى التمثيل، لازم نتأكد الاول و نسأل عنه مرة و اتنين من غير ما هو يعرف انه احنا بنسأل عنه و نبتدى من كنيسته