هل ينفع لى رهبنة وانا بمارس العادة الشبابية ولو بطلتها

تعطيل النجومتعطيل النجومتعطيل النجومتعطيل النجومتعطيل النجوم
 

شكرا على اجابتك يا جدو وربنا يقويك وترد علينا دايما انا سؤالى هل ينفع لى رهبنة وانا بمارس العادة الشبابية ولو بطلتها وانا عايزة تداريب روحية لكى اتغلب عليها سؤال اخر لو سمحت انا دخلت موقع شات مسيحى واتكلمت مع شباب وحاولت اديهم راى فى مشاكل عندهم وانا حاسة انى عاملة حاجة غلط فهل هذا غلط
godlove

الرهبان بيعيشوا حياة بتولية و طهارة و إختاروا طريق الرهبنة و البعد عن العالم علشان يقربوا اكتر من ربنا و التوبة بتخلق من الزناة بتوليين فالأول ندور على طريق التوبة و نتدرب فيها وربنا قادر انه يخلق من أشر الخطاه قديس طاهر و عندنا فى سير قديسين حكايات توبة جميلة مليانة حب ربنا ورجاء لينا نتشبه بيهم زى الانبا موسى الاسود و القديسة مريم المصرية و القديس اوغسطينوس، اما بالنسبة لموضوع انى انصح اللى حواليا فلازم ابتدى بنفسى فى الاول و أختار سكة المسيح اللى ينور حياتى و بنورة اقدر اهدى ناس تانيين لانه الكتاب بيقول ..(إِنْجِيلُ لُوقَا 6 : 39) وضرب لهم مثلا.هل يقدر اعمى ان يقود اعمى.أما يسقط الاثنان في حفرة
و كمان بيقول (إِنْجِيلُ يُوحَنَّا 17 : 19) ولاجلهم اقدس انا ذاتي ليكونوا هم ايضا مقدسين في الحق.
فلازم اتقدس بالمسيح اللى يستخدم ضعفى و يحوله لقوة فى حياتى و حياة الآخرين و هوه ده جمال المسيح ياخد ضعفنا و خطيتنا و يحولنا لقديسين كارزين بالحق و للحق
أما عن التداريب الروحية فدى محتاجة اب اعترافك اللى يقف معاك و يعرفك السكة و حيل الشيطان و حياة الطهارة و النقاوة

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم