جدو لو سمحت كنت عايزة اسأل حضرتك سؤال انا مخطوبه وانا ووخطيبى بنحب بعض جدا بس فى مشكله وانا مش عارفه اذا كان ده فعلا صح ولا غلط يعنى هل فى فتره الخطوبه يوجد قبلات واحضان انا محتاره جدا ومش عايزة اعمل اى حاجه غلط وبحس بعد الحاجات انى انسانه مش كويسه وكلمته فى الموضوع ده بس هو بيقولى انه بيحبنى وهيفضل طول عمره يحبنى وعمرى ما هقل فى نظرة ابدا ياريت ترد عليا وتقولى ايه الصح اللى يخلينا تبقا فتره خطوبه جميله مع المسيح وميرسى جدا
يوس
فى فترة الخطوبة بتكون المشاعر متأججة جدا و من الافضل انه يكون العقل هو المتحكم فى الموضوع ده و غالبا انتى اللى تقدرى تعملى فرامل للموضوع ده لأن التمادى فى كده ممكن يوصلنا لخطية الزنا الفعلى، إحنا لازم نحافظ على طهارتنا و عندنا العمر كله معانا....بلاش نتواجد فى اماكن لوحدنا خالص علشان منديش فرصة للشيطان يجربنا....وكمان قعدتنا لازم يكون فيها ربنا علشان نبنى بيتنا على اساس وجود ربنا فى وسط البيت. لأن المشاعر هيجى وقت و تهدى و تيجى عواصف على البيت مش هيحمينا منها إلا وجود الله فى البيت.