قالي علي اللي عايز يعمله فى ليلة الفرح

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 24124

انا عندي 24 سنة والولد اللي انا مرتبطة بيه عنده 26... احنا لسة ماتخطبناش لظروف معينة لكن هو اتعرف علي اهلي والمفروض خطوبتنا قريب احنا فى الاول كنا مجرد نعرف بعض من الكنيسة ولكن مش بنتكلم كتير هو فاتحني ان ممكن نتعرف علي بعض اكتر لانه شايفنا شبه بعض فى حاجات كتير ماكنش فى بينااي مشاعر فى الاول ومع ذلك انا وافقت انا شايفة انه ولد محترم جدا وبيحبني ومستعد يعمل اي حاجة علشاني وهو فعلا بيعمل المستحيل عشان نكون مع بعض بسرعة وفعلاالحب بينا كبر واللي عاجبني فى الموضوع انه بدأ بالعقل مش بالقلب ودلوقتي الموضوع بالعقل والقلب بس الحاجة اللي قلاقتني منه هو انه علي طول بقي يقول انه مش قادر يستني وانه هايموت ونتجوز وقريب قالي علي اللي عايز يعمله فى ليلة الفرح انا ساعتها ماعرفتش اساكته لاني كنت مرتبكة لكن قولتيله بلاش نتكلم كدة تاني هو اعتذارلي وقالي انه مش كدة و مش عارف قال الكلام دة ازاي وانا مصدقاه بس من جوايا مش حاسة اني مبسوطة زي الاول ارجو النصيحة شكرا

missegypt

معلهشى سامحيه، طبيعة الاولاد الإندفاع بمشاعرهم فى فترة الخطوبة لكن الجميل انك أنت الفرامل و العقل فى العلاقة ده...المشاعر دى هتهدأ بعد الزواج و الحب مش هو الجنس ...لكن الجنس جزء من الحب....مشاعر الحب اكبر من الجنس لأن فيها مسؤليه و تضحية  من أجل الحبيب و تمثلا بعمل المسح من اجل الكنيسة كذلك حب الزيجة و تضحية كل طرف من اجل الطرف الآخر و حالة من الرضا و الشكر على عطايا ربنا. انت تحاولى تاخديه لصلاة مشتركة ....يبقى فيه قعدة لقراءة الكتاب المقدس مع بعض، و تكون نواة لكنيسة المستقبل، فيرقى الحوار بينكم بوجود الله فى وسطكم و يقدس افكاركم و يفرحكم ببعض بعد اتمام سر الزيجة

الامثال ٥:‏١٨ لِيَكُنْ يَنْبُوعُكَ مُبَارَكًا، وَافْرَحْ بِ‍امْرَأَةِ شَبَابِكَ،

ربنا يكون فو وسطكم دايما و يكون بيتكم بيت مبنى على الصخر اللى هوه المسيح و يكون بيتكم زى بيت مثا و مريم و لعازر يستريح فيه المسيح.