انا بمارس العادة السرية ونفسى ابطلها ومنعانى من التناول لفتلرة طويلة وكنت بفكر في الرهبنة لكن عدلت عنها ماذا افعل مش عارفة اصارح اب اعترافى عنها
godlove
المشكلة دى حلها الوحيد هو ربنا يسوع المسيح و القرب منه مش البعد عنه، يعنى مهما وقعت أقوم اقدم توبه قوية حتى لو كنت لسة واقع تحت نير الخطية و أطلب من ربنا بلجاجة و اصرار انى ابطل و من غير يأس كل ما أقع أقوم انتصب فى الصلاة و اطلب نفس الطلب و لو مئات المرات فى ثقة فى مراحم ربنا، و الاعتراف جزء كبير من الحل و اللى عايز يروح السما ميتكسفش من ابونا و يواجه مشاكله بشجاعة و هيعلى فى نظر ابونا علشان هو شخص عينه على المسيح و السما و ده يفرح قلب ربنا و كمان قلب ابونا‘ لانه مفيش اجمل من انشوده التوبة، كمان الخطايا الشبابية دى مرتبطة بالسن بتاعنا و هيجى يوم و تنتهى بس لازم توبة و اصرار و اعتراف و صلاة من اجل انه ربنا يرفعها و يقوينا عليها و تأكدى انه من غير قوة ربنا جهادنا ملهوش لازمة.....جهاد + نعمة = الحصول على الخلاص
ربنا بيحبنا قوى و بيكره الخطية لكن لما بنقع فى الخطية بنفضل برضة اولاده و لينا عشم عنده. ولو فيه اب و ام ابنهم كل شوية يغرق نفسه و يوسخ هدومه هل بيرموه و يقولوا ده خلاص مش ابننا؟!! ولا بينضفوه ومش بيقرفوا منه لانه ابنهم؟!! ومحدش يقدر ينضفنا من قذارة الخطية إلا دم المسيح اللى يقدر يطهر اقسى الخطاه فمتحرميش نفسك من التناول من جسد المسيح و دمه علشان تثبتى فى مصدر التطهير و القوة و الانتصار و القيامة لغاية ما تقدرى بنعمة ربنا انك تنتصرى على الخطية و تفرحى بالتوبه و بخلاص المسيح
مواضيع ذات صلة
يائسانا حاسة ان ربنا بيكرهنى
اعترف ولا لأ...ونفسى اتناول لانى من ساعتها مش عايزة اتناول ليكون عليا زنب
انا نفسى اعيش مع ربنا واحفظ طهارتى
خطية الزنا مع النفس
