وانفصلت عن الكنيسة وعن كل شىء فى حياتى الروحية

تعطيل النجومتعطيل النجومتعطيل النجومتعطيل النجومتعطيل النجوم
 

انا عندى 15 سنة كنت الفتاة المثالية فى كل شىء وخاصة الحياة الروحية وحدث اضراب اسرى اى عدم الاسقرار فى مكان معين وانفصلت عن الكنيسة وعن كل شىء فى حياتى الروحية و لم اكتفى بهذا بل شاهد العديد من السكس واشعر انى اكرة نفسى ولا اريد ان اصلى فقول لى حلا عمليا
م

اسمك على اسم قديسة جميلة ورائعة ...ياريت تقرى قصتها
كنتى الفتاة المثالية و بقيتى بتكرهى نفسك
الخطية لما بتدخل الانسان بتشوهه، وتخلى الواحد يكره كل حاجة و كمان نفسه....لكن الخطية دخيلة علينا و الاصل احنا صورة الله الرائعة و المسيح جوانا يطرد الخطية ويرجعها للصورة الجميلة اللى خلقنا عليها و يخللى حبه يملانا، فنحب نفسنا ونقبلها و كمان نحب كل الناس اللى حوالينا
عايز اقولك انه روح ربنا اللى جواكى هوه اللى عايز يخليكى ترجعى وإنتى نفسك عايزة ترجعى لحضن المسيح لانك بتحبى الطهارة و ده اجما مافيكى و ده اللى خلاكى تكتبى الرسالة دى

انا شرحت لك ازاى الخطية بتشوهنا و تخلينا نكره نفسنا و الخطوات العملية الى بيها نرجع مثاليين هى  اولا:  ابعدى عن كل مسببات الخطية..اهربى
(أَمْثَالٌ 22 : 3) الذكي يبصر الشر فيتوارى و الحمقى يعبرون فيعاقبون.
(أَمْثَالٌ 27 : 12) الذكي يبصر الشر فيتوارى الاغبياء يعبرون فيعاقبون
(التَّكْوِينِ 19 : 17) و كان لما اخرجاهم الى خارج انه قال اهرب لحياتك لا تنظر الى ورائك و لا تقف في كل الدائرة اهرب ..... لئلا تهلك

لا تقفى فى دائرة الخطية، اى منظر يتعبك متبصيش عليه...اى كلمة قبيحة متسمعهاش...اى فكرة جنسية ارفضيها و ارشمى الصليب

اثنين: توبى لو حصل و وقعتى فى الخطية قدمى توبى فى لحظتها وقولى اخطأت يارب سامحنى

وَأَمَّا الْعَشَّارُ فَوَقَفَ مِنْ بَعِيدٍ، لاَ يَشَاءُ أَنْ يَرْفَعَ عَيْنَيْهِ نَحْوَ السَّمَاءِ، بَلْ قَرَعَ عَلَى صَدْرِهِ قَائِلاً: اللّهُمَّ ارْحَمْنِي، أَنَا الْخَاطِئَ. 14 أَقُولُ لَكُمْ: إِنَّ هذَا نَزَلَ إِلَى بَيْتِهِ مُبَرَّرًا

ثلاثة: اعترفى روحى لأب اعترافك و اعترفى و لو مكسوفة اكتبيها فى ورقة و اديهاله ولو مش قادرة تعملى كده بس قوليله حاجات شبابية و هوه هيفهم ويديكى تداريب جمبلة
(أَمْثَالٌ 28 : 13) من يكتم خطاياه لا ينجح و من يقر بها و يتركها يرحم.

اربعة:  اتناولى على قد ما تقدرى اتناولى و المسيح يثبتك فيه ويخليكى فى جماله، ده هوه الابرع جمالا من كل بنى البشر  و هوه اللى بجماله يخرج مننا حاجة حلوة و اعمال جميلة ليها ريحة حلوة واخدنها منه كل ما نتناول من جسده و دمه، سر عظيم
(نَشِيدُ الأَنْشَادِ 1 : 12) ما دام الملك في مجلسه افاح نارديني رائحته.
(نَشِيدُ الأَنْشَادِ 5 : 10) حبيبي ابيض و احمر معلم بين ربوة.

خمسة: صلى و متخافيش الصلاة هتيجى لوحدها لانه لما ربنا يفرح قلبنا بالتوبه و يدينا جسده مش هيبقى عندنا حاجة نعملها إلا احنا نشكره و هى دى الصلاة
ربنا يفرح قلبك بالطهارة و العيشة الجميلة معاه، فما احلى ان يكون خالق العالم....ابويا

 

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم