انا يا جدو بعتلك كتير عن سوالى لانى مش عرفة الاقى اجابة لةانا ياجدو نفسى اتعلم انى اكون بنت ربنا الطهرة العفيفة لكن الافكار مش بتسبنى دايما معايا افكار وحشة وبتضايق انى بفكر فيها حتى وانا بصلى يا جدو حاسة كانى بقرا كتاب مجرد قراءة ومش بحس بالصلاة ولا ان ربنا سامعنى مع انى واثقة من وجودة معايا بس مش بحس دة فى الصلاة دة غير الافكار الى بتيجى فى راسى وانا بصلى بتتعبنى وبحس كان صلاتى مش ليقها قيمة بالافكار دية ارجوك يا جدو ساعدنى وقولى اعمل اية
ك
زى ما بنقول فى التسبحة كل اسباب الخطية انزعها من انفسنا، الافكار بتيجى نتيجة لنظرات مش كويسة او مشاهد لكليبات اتفرجنا عليها او مقاطع من افلام اختزناها تتحول لأفكار تهاجمنا و ممكن تتحول لخطايا فعليه زى ما المسيح لفت نظرنا لأن النظر ممكن يوصل للزنا و الغضب يوصل للقتل امنعى مسببات الخطية، و املى فكرك بكلام ربنا فى الكتاب المقدس و قراءات روحية تلاقى الفكر يتنقى و ينضف شويه بشويه وتلاقى الافكار بعد ما كانت عن الخطية تلاقيها بقت افكار نضيفة و نقية و طاهرة الصلاة ممكن تكون فى الاول من غير تركيز لكن لما تداومى عليها تلاقيها بتعمل عمل عجيب جواكى الصلاة تقدس فكرك و تحفظك من الوقوع فى ايدين الافكار الشريرة كمان لو كانت الصلاة بنغمة او بتلحين زى ما تقولى المزامير بلحن معين ده يخليكى تفهمى الكلام اللى بتصليه و فى كل مرة تكتشفى معنى جديد مفيد لحياتك و متنسيش تصلى لجدو غلبان معاكى
