اتفرجت ع اماكن وحشة

تعطيل النجومتعطيل النجومتعطيل النجومتعطيل النجومتعطيل النجوم
 

ازيك يا جدو انا عارفة انى دوشة بس انا مصدقت الاقى حد احكيلة بص هو ربنا بيعاقب عن الخطية انا اتفرجت ع اماكن وحشة وبعد كده قولت مش هتفرج تانى وانا كنت بصلى عشان موضوع فخايفة ربنا يعاقبنى وميسمعليش وانا نفسى ابقى قريبة من ربنا اوى اوى بس مش عارفة ازاى بصلى وبقولة كده بس مفيش نتيجة نفسى ابقى بنت المسيح بجد
م

المسيح طيب و هوه اللى قال
(إِنْجِيلُ يُوحَنَّا 12 : 46) انا قد جئت نورا الى العالم حتى كل من يؤمن بي لا يمكث في الظلمة..
(إِنْجِيلُ يُوحَنَّا 3 : 17) لانه لم يرسل الله ابنه الى العالم ليدين العالم بل ليخلّص به العالم..

يعنى ربنا يسوع المسيح جه للعالم من أجل خلاصه، مش من اجل عقوبه ولا دينونه....جاى يساعد الناس على التوبه و يوريهم قد ايه الله مشتاق لخلاصهم ...علشان خاطر كده ربنا يسوع المسيح نزل على الارض علشان يبين محبه الله لنا، مش علشان يعاقبنا

حتى انه النار الابدية لم تكن معدة للانسان لكن كانت معدة للشيطان
(إِنْجِيلُ مَتَّى 25 : 41) ثم يقول ايضا للذين عن اليسار اذهبوا عني يا ملاعين الى النار الابدية المعدة لابليس وملائكته
لكن انا بإرادتى بأختار انى ارفض طريق الله و طريق الخلاص
اما بالنسبة ليكى يكفى انك تندمى على اى خطية و الله يقبك بمنتهى الفرح، و لما تقبلى اب اعترافك و تحكى عن مشاكلك تحسى انه بيتزاح عن قلبك كل الاحمال اللى انتى شايلاها و تحسى بفرح

حاجة جميلة انك تقفى قدام ربنا و تحكيلة كل مخاوفك و مشاكلك و تأكدى انه سامع الصلاة

ربنا يفرح قلبك بالتوبة

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم