ازيك ياجدو انا اول مرة ابعتلك انا بنت بمؤهل عالي ومخطوبة عن حب لشاب من نفس مؤهلي وهو انسان مسيحي محترم شماس ومن عائلة كريمة واحنا دايما ربنا بيننا ودايما بنصلي مع بعض ونحضر قداسات مع بعض.. وهو بييجي عندنا البيت كل اسبوع او اسبوعين لان شغله بعيد..ولما باكون باودعه علي باب بيتنا بيحب ياخدني في حضنه ويقول (هاتوحشيني)لكن هو بامانة عمره ماقصد اي حاجة ودايما بيقوللي انا من حبي فيكي هاحافظ عليكي وعمري ماهاسئ اليكي لانك امانة في رقبتي لكن انا بحب اخدك في حضني بس لانك بتوحشيني .....ايه رأيك ياجدو؟؟ جاوبني ارجوك
مايا
علاقتكم جميلة و فيها المسيح، قداسات و صلاة مع بعض و المسيح موجود بينكم ربنا يحافظ عليكم، مهم انه بس مننجرفش ورا مشاعرنا اكتر و خللى دايما الكونترول فى ايدك، هوه بيحبك و دى مشاعر نبيلة بس برضة لازم يكون فيه كونترول يعنى الحضن يبقى عابر و طاهر و بعد ما تتجوزوا العمر قدامكم، بلاش تسبقوا الاحداث و ربنا يفرحكم و يكون دايما فى و سطيكم، و بيتكم يكون كنيسة و المسيح يستريح فيها، بيوت صلاة بيوت طهارة بيوت بركة