انا كلية هندسة جروبنا 4 ولاد و3 بنات بعد التعامل والاندماج حبيت وحدة منهم وابتدت العلاقة طبعا من طرف واحد كمان زادت لحد ما اخدت الرقم واتصلت كتير ورسايل اكتر كان رد فعلها بسيط برسالة خايف اصارحها عشان امتحانتنا وخايف اخسرها وخايف استنى تضيع منى ؟؟؟ !!!!
بيت
أولا و قبل ما تفكر تصارحها بمشاعرك، هل انت حاسب الخوة الجاية ايه؟
يعنى قالت اوكى ...هتعمل ايه؟ هل عندك الامكانية انك تخطب؟ هل أسرتك هتبارك الموضوع ده؟ هل فيه توافق بين العائلتين من ناحية المستوى الاجتماعى و الثقافى و الروحى؟ ولا لأ.
طيب لو قالت لأ...هل دراستك هتتأثر؟ أقصد هتزعل و بعدين تحاول تبعد و يبقى نفسك متروحش الكلية و لا هتاخد الموضوع عادى و تعتبرها كأخت؟
الفكرة فى إنك هتبقى مهندس و الهندسة تحتاج دراسة للمشاريع و حسابات دقيقة، الزواج ده مشروع العمر...إعمل حساباتك الدقيقة و حطها قدام ربنا و إطلب مشورته قبل ما تبتدى، علشان المبنى يكون اساسه سليم