انا بنت سنى 23 سنة ومسؤلة عن جدى البالغ من العمر84 وكمان اخويا وهما الاتنين طلباتهم كتير وانا بصراخة حاسة نفس(شغالة) مش زى اى بنت فى سنى اخرج واروح رحلات ,سؤالي:انا كنت بفكر اسيب البيت واروح اي دير اقعد فية0هل دة يبقى حرام واسمة هروب
mody
ياعينى عليك يا جدو ياللى مش لاقى حد يخدمك بعد ماكبرت و عجزت يعنى جدك خلص التمانين سنه الاولانيين و ماشى فى التمانين التانيين.....، انتى لما بتساعدى جدك بتاخدى بركة مساعدته و خدمته، هتلف الأيام و هتبقى فى سنه و هتبقى محتاجة محبة من ولادك وأحفادك، كل كلمة حلوة بتقوليهاله، كل طلب بتقضيه يسوع لا ينساه و خللى بالك انه من أراد ان يكون اولا يكون آخر الكل و خادم للكل كقول المسيح له المجد.....خدى بركة خدمتهم قدمى شغلك ليهم بحب و المسيح مبينساش حاجة حتى كأس ماء بارد لايضيع اجره، ياه يارب على جمالك وحبك حتى شويه الميه اللى بنقدمهم مبتنساهمش، مابالك بخدمة و محبة اخوكى إللى ملهوش غيرك وجدك محتاج جنب رعايتك ليه كلمة حلوة، او تقعدى معاه تتكلمى فى اى موضوع حتى لو بينسى و بيقول نفس الكلام مرات و مرات، انتى تكررى كلام الحب مرات و مرات ومرات و هتلاقى بعد شويه حياتك هتتغير و هتبقى حلوة، انا كان لى تيته عملت عملية فى عينها و العين التانيه بتشوف بيها ضعيف و كل شويه تقوللى عينى بتوجعنى أصل انا عملت عملية فى عين و التانيه لسه و بعد ما تخلص الحكايه تحكيها تانى، و انا ارد عليها يا تيته انتى لازم تاكلى جزر كتير، علشان الجزر بيقوى النظر، تقولى عينى واجعانى اقولها الجزر يا تيته....لغاية ما بقت تضحك و نسيت موضوع عينيها ده
أما بالنسبة للدير، ده مليان شغل أكتر و اللى بيروح الدير لازم يكون ناجح فى خدمة أهل بيته الاول علشان يعرف يخدم كل اخواته فى الدير و كمان زواره
و بولس الرسول بيقول لتيموثاوس تلميذه
1تي 5:8 وان كان احد لا يعتني بخاصته ولا سيما اهل بيته فقد انكر الايمان وهو شر من غير المؤمن
ده ميمنعش إنك ترتبى وقتك وتنظميه و تقدرى ترفهى عن نفسك شويه و تشوفى حد من أصحابك يحل مكانك و تطلعى رحلة بس متطوليش.....