اخواتي يدوسون وان امكن علي كرامتي

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 16892

انا فتاة اتممت تعليمي الجامعي منذ وقت قريب مشكلة حياتي هي ان اهل من ظراز قديم يفضل الولد علي البنت في كل شي ويغتبر البنت مجرد خادمة لاخواتها الولاد ولايعطيها فرصة حتي تتعلم ما يفيدها او لصالحها وذللك لان الاولوية لطلبات اخواتي الولاد التي لاتنتهي وان انتهت يكون لولادتي طلباتها وانا تعثرت في دراستي من قبل بسبب ذلك وعلي الرغم من ذلك هم لايعطوني الفرصة لتعليم مهارات حتي التحق بوظيفة مناسبة واشعران تربيتة والدي جعل من اخواتي يدوسون وان امكن علي كرامتي امام الناس فهل اذا اخذت موقف من هذا خطا
teresa

هوه الصعيد كله إكده يا بنيتى، بس عايز أجولك إنك بمحبتك لإخواتك تقدرى تغيرى ده، متحاوليش تعارضيهم و لا تختلفى معاهم ...بس نفذى وصيه المسيح: فجلس ونادى الاثني عشر وقال لهم اذا اراد احد ان يكون اولا فيكون آخر الكل وخادما للكل.
المحبة كانت ولا تزال حل لكل مشاكلنا علشان كده هى دى كانت وصية المسيح انه احنا نحب بعض، لكن مفيش مانع إنك تلفتى نظرهم  وتاخدى مواقف بس بمحبة أو تقولى لأبونا اب إعترافك انه يساعدك فى لفت نظرهم بنفسك، من الممكن انه ابونا يإثر فيه اكتر منك. اما عن انك تنمى مهاراتك فده حقك انك تتعلمى اكتر و حتى لو مانعينك من انك تاخدى كورسات كل الكورسات موجوده عالانترنت تقدرى تعلمى نفسك بنفسك. خللى بالك انه دى مرحله بعد كده هتتجوزى بس المهم ميطلعشى جوزك من نفس العجينه دى، ربنا يحافظ عليكى

 و انا بنصح كل الشباب اللى متجوز و اللى هيتجوز أنه يعامل مراته بحب و عطف لانه هوه المسؤل عنها بعد أهلها و هى بتبقى محتاجة للحنان لانها سابت اهلها و بيتها و كمان أوعى تفتكر إنك أفضل من زوجتك لانك رجل، بولس الرسول بيقول

 

غير ان الرجل ليس من دون المراة ولا المرأة من دون الرجل في الرب 1كو 11:11
ويذكر الله فى سفر التكوين لما ربنا خلق لحواء
وقال الرب الاله ليس جيدا ان يكون آدم وحده.فاصنع له معينا نظيره تك 2: 18
نظيره يعنى زيه ، يعنى السما حتبقى مليانه بالقديسين و كمان القديسات من غير فرق لانه ربنا مش بيفرق بينهم لكن غرورنا هو اللى بيعمل التفرقه دى