ازيك ياجدو يارب تكون كويس انا بجد محتاجالك تكلمنى اوى ياجدو انا دلوقت فضلى شهرين على الجواز ياجدو ودماغى بتروح فى افكار وحشة اوى وبفتح حاجات مش حلوة من ع النت بس انا معرفش اى حاجة عن الجواز وبفتح واقرا واتفرج انا من جوايا مش راضية عن نفسى بس فى نفس الوقت بقول لازم علشان انا شفت تجربة اختى اتجوزت من غير ما تعرف حاجة وحياتها اتقلبت بتعاسة وخصوصا انى صغيرة فى السن 18 سنة ولو معرفتش كل حاجة من الاول الحياه هتبوظ ومش هنبقى اسرة سعيدة وكمان خطيبى عارف كل حاجة عن الجواز وبيتكلم عن علاقتنا بعض الجواز كتير اوى وانا معرفش ولا حاجة عن الجواز غير عن طريق المواقع اللى فتحتها ديه انا بجد تعبانة اوى ومحتاجة ارشادك اوى ياجدو ومكسوفة اوى اكلم اب اعترافى ومش عارفة اعترف بالخطية ديه ازاى ارجوك ياجدو ترد على اوعى تسبنى كده ياجدو ارجوك رد على بسرعة محتاجالك اوى يا جدو
ca
اولا متخافيش و متقلقيش اطلبى من ملك السلام يديكى السلام
الحاجة التانية لما نكون جعانين و عايزين ناكل هل بنروح على اقرب مقلب زبالة ندور فيه على حاجة ناكلها؟!! و لا بندور على المكان الصح اللى فيه الشبع بتاعنا
الله هوه اللى خلق الجنس و قدسه، و هوه بنفسه اللى خلق اعضائنا الجنسية و برضه قدسها، لكن الشيطان حاول يشوه الصورة و العالم مشى وراه... فبقت كلمة الجنس كلمة عيب بالرغم من انه الله قدسها و لما خلقنا هوه اللى خلقنا على الصورة الجميلة دى
و معلمنا بولس الرسول يقول
(رِسَالَةُ بُولُسَ الرَّسُولِ الأُولَى إِلَى أَهْلِ كُورِنْثُوسَ 12 : 23) واعضاء الجسد التي نحسب انها بلا كرامة نعطيها كرامة افضل.والاعضاء القبيحة فينا لها جمال افضل..
و لما نحب نبحث و ندور على المعرفة الجنسية الحقيقية مندورش عليها فى المواقع القبيحة اللى لا تمجد الله و تمتهن جسد الانسان المقدس لكن ندور عليها فى الكتب المسيحية و اللى مشروحة فى ضوء تعاليم الله نفسه، علشان تكون بيوتنا مقدسة و فيها فرح و زى ما بيصلى ابونا و بيقول
بيوت صلاة بيوت طهارة بيوت بركة
لِيَكُنِ الزِّوَاجُ مُكَرَّمًا عِنْدَ كُلِّ وَاحِدٍ، وَالْمَضْجَعُ غَيْرَ نَجِس ... (عبرانيين13: 4)
و هنا لينكات لبعض المواقع المسيحية اللى بتتكلم عن الجنس المقدس اللى بيوصل الناس للفرح و بيوصلهم كمان للسما
http://ava-kirolos.com/vb/forumdisplay.php?s=c6f31713b08fd704002d45daf4a53d70&f=116
http://www.elfady.com/vb/t16775.html
http://www.3alakat.org/marriage3.html