انا شاب عندي 28 سنة وليس لدي القدرة المالية اني ارتبط بأحد ما أهو كل حاجة بالفلوس وكنت بحب بنت خالتي وسابتني علشان لبسي مش شيك ومش روش زي الشباب وكنت بألبس هدوم زي بتاعت والدها زي ماقلتلي ومش جاهز مع اني مهندس وفي بنات زملاء بيقولوا ان مظهري كويس وانا اصلا من صغري وانا بأمارس العادة وكل ما أعمل كده يجيلي شعور بالنقص رهيب لدرجة ان الشيطان بيقولي انت لازم توقع واحدة و تغلط مع واحدة وتمارس الجنس معاها وبكده هتبقي انسان طبيعي وتثبت لنفسك ان ممكن اي حد يحبك انا كرهت نفسي لأني بأحس بالتفكير ده اني اناني وبأفضل في دايرة مقفولة في العادة السرية يوميا حتى لو مفيش جو او ظروف تسمح بيها بأحاول بكل اجتهاد الاقي الظروف دية
أش
الشيطان كذاب و أبو الكذاب...لا تتفاوض مع الشيطان ولا تاخد و تدى مع أفكاره....اطلب من ربنا و صلى فى الوقت اللى تلاقى فكرة تحاربك و قول لربنا ياربى يسوع المسيح ارحمنى، ياربى يسوع المسيح إغفر لى...لأن الكتاب المقدس بيقول "إسم الرب برج حصين يرطض إليه الصديق ويتمنع" إذكر أسم ربنا فى صلوات سهمية يهرب الشيطان و تهرب أفكاره.
أما بالنسبة الى جاهزيتك و إنك لسه مش جاهز...ميهمكش من النقطة دى خالص، لان ربنا يسوع المسيح قالنا وعد رائع جدا و هو:
إطلبوا ملكوت الله وبره و هذه كلها تزاد لكم" ....بس نطلب ربنا و نطلب انه إحنا نعيش فى سماه و هو عارف إحتياجاتنا المادية و هيوفيها فى الوقت المناسب، الله غنى و هو اللى خلق الغنى.
أما بالنسبة للعادة السرية....التوبة و الاعتراف و التناول المستمر هو طريقك للتخلص منها ....فقط نعمة ربنا هى التى تغنينا عن الخطية ...برضه تشغل نفسك بأعمال و قراءات مقدسة فيتنقى ذهنك، بدلا من ان تملا ذهنك بصور قبيحة تبعدك عن الوجود فى حضرة ربنا...لأن الله قدوس ولا يطيق الخطية .
