عليها انا تعبان جدا من عدم الرجوع لربنا وكل ما اقرب ارجع مرة اخرة اكتر واوحش من الأول فماذا افعل وكيف ارجع لربنا بجد ارجوك يا جدو ترد على
أمير
أجمل حاجة فيك ياأمير انك بترجع لربنا، و ميهمش عدد مرات السقوط ولا المرات اللى بعدت لكن المهم انك ترجع لحضن ربنا. المسيح حنين قوى وبيقبل الخطاة و بيقبل رجوعهم و دى مش دعوى للإكثار من السقوط لكنها دعوى لأنك ترمى نفسك فى حضن ربنا و حضن مراحمه اللانهائية و تترمى تحت رجليه و تسكب نفسك فى صلاة توبة جميلة بدموع وتقوله ارحمنى انا الخاطى، يفرح المسيح بيك و يضمك لحضنه و يحميك من نفسك و من الشيطان و العالم كله، مفيش احلى من الرجوع للآب السماوى و مفيش احلى من ترنيمة التوبة عنه و مش مهم كام مرة وقعت و لا عملت خطية المهم انت واقف فين دلوقت فى حضن المسيح ولا فى الخطية لو فى حضن المسيح يا بختك ولو فى الخطية اقف وقدم توبة بسرعة وقول
(مِيخَا 7 : 8) لا تشمتي بي يا عدوتي اذا سقطت اقوم اذا جلست في الظلمة فالرب نور لي.
الحياة كلها توبة لانه مفيش وقت فى حياتنا هنبقى مش محتاجين للتوبة
