هاى ياجدو دى اول مرة اكتب فيها لحد مشطلتى حتى لاقرب الناس ليا مش بقدر اقولها لكن انا عندى رجاء انك ياريت ترد عليا ارجوك لانى منهارة نفسيا ومحطمة مش اقدر اعمل حاجة واحدة فى حياتى على طول شايفة البنات التانية احسن منى وعلشان بدات اقلدها ى البس والمكياج وكل حاجة ناس كتير بتشوفنى حلوة لكن بردوة انا شايفة نفس اقل من البنات دى يعنى مثلا انا فى وظفية بحبها عاوزة اقدم عليها روحت لاء يعنى هم هسيبوا البنات القمر دى والهاى وياخدونى فانا لية اتعب واحرق دمى ما انا افكنى من الموضوع كلة انا عاوزة الوظفية دى اوى لكن مش بقول انا كويسة فى الانجليزى بس انا هتعلم اكتر علشان ابقى ممتازة ارجع واقول حتى ولو خلصت وبقيت ممتازة مش هيقبولنى اكيد هما معاهم لغات تانية وكمان انا خجولة اوى اوى ومش ا عارفة اعمل انا كل يوم بعقد اشتم على نفس كل يوم بعقد اعيط انا بضيع مستقلبى بايدى ارجوك ياجدو تتصرف وتقولى حد وتساهنى وميرسى اوى
د
صغر النفس او انى اشوف نفسى اقل دايما من اللى حوالى، بسبب تربية معينة او بسبب افكار بتجينى او بسبب ظروف بمر بيهاو الحل هو الثقة
الثقة فى ربنا اللى خلقنى على صورته و مثاله بغض النظر عن امكانياتى و شكلى و ظروفى، لكنى فى النهاية على صورة الله فى القداسة و البر و الخلود
حب ربنا يدينى ثقة فى نفسى لما اعرف ان الله خالق الكل و الاكوان و الناس و ضابط كل شىء و متحكم فى كل شىء .....بيحبنى انا و بيسمع صلاتى انا و بيحس بضيقاتى
مش كده وبس ده بذل نفسه من أجلى و مات على الصليب
(إِنْجِيلُ يُوحَنَّا 3 : 16) لانه هكذا احب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الابدية..
وفى سفر اشعياء ايه جميلة جدا و مفرحة بيقولهالك انت بالذات
(إِشَعْيَاءَ 43 : 4) اذ صرت عزيزا في عيني مكرما و انا قد احببتك اعطي اناسا عوضك و شعوبا عوض نفسك.
فإزاى احس انى قليل على الاقل فى عينين ربنا اللى بيرثى لضعفاتنا، الكتاب المقدس بيقول تشدد و كن رجلا....طبعا مش بطلب منك انك تبقى راجل لكن رجولة روحية اقف على رجليا و اقدم على الشغل و ربنا هوه اللى يوفق، ادخل كورسات و اذاكر و ربنا هو اللى ينجح، اروح للكتور و اخذ الدوا و الله هوه اللى يشفى
تأكدى انه ربنا فى صفك و معاكى و سامعك و يساعدك، الحل هو الثقة فى الله و قدرته و محبته ....إبتدى و ربنا يكمل
ليقل الضعيف بطل انا
(يُوئِيل 3 : 10)