انا تعبت من حياتى ومن كتر المشاكل اللى فى البيت مع اهلى بجد نفسيتى تعبانة اوى ولا عارفة اذاكر ولا اعمل اى حاجة فى حياتى قولى اعمل اية
رودى
اول حاجة لازم تعرفى ايه اسباب التوتر و تبعدى عنها، يعنى مثلا فيه موضوع معين لما بيتفتح فى البيت بيجيب التوتر....خلاص ابعدى عنه
الحاجة التانية لازم تحددى اولوياتك فى الوقت الحاضر، يعنى اولوياتك هى المذاكرة....صممى انه مفيش حاجة هتبعدك عن المذاكرة و قبل ما تبتدى اقرى اصحاح من الكتاب المقدس، و صلوة صغيرة تطلبى فيها معونة ربنا....هتحسى بفرق جامد.
و تأكدى انه ربنا فى صفك و عايزك تنجحى لانك بنته، اطلبيه لو فيه حاجة وقفت معاكى و تحاشى اى مشاكل فى الفترة دى و لو بيتطلب منك حاجة تعمليها ...نظمى و قتك وتممى كل المطلوب منه بمحبة و ربنا هيساعدك