انا بعمل دايما خطية كبيرة مع حد يقربلي

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 22004

 

انا بعمل دايما خطية كبيرة مع حد يقربلي كل مرة اتوب لكن رجع تاني كل مرة تكون اصعب من المرة اللي قبلها وانا خايفة المرة الجاية افقد اهم حاجة ليا كبنت وانا اساسا مش عرفة ابعد عن خطية كل مرة برجعلها رغم اني بصلي وبتناول بقرا الانجيل في صورة مستمرة انا معنديش قدرة اني اقول لاب اعترافي هل ينفع انس اللي حصل واتناول وابد علاقتي مع ربنا بدون اعتراف لان لو لازم اعترف انا مش هعترف اعمل اية.

س

التوبة مش مرة و خلاص دى حياة...حياة التوبة و التوبة مرتبطة بالإعتراف...متخليش الشيطان يفصلك عن الواقع و يخليكى تعيشى فى كدبه. الحقيقة انى بقع فى خطية كبيرة و محتاجة للتوبة و الاعتراف بيها امام الله فى حضور الاب الكاهن اللى بنال من خلاله على غفران الخطية ساعة ما يقرأ التحليل و يضع الصليب على رأسى أنال الغفران (بواسطة الروح القدس - روح الله) فى إستحقاق دم المسيح اللى إتصلب على الصليب، كمان باخد مشورة الاب الكاهن من خلال إرشادات و تدريبات روحية تخلينى ابعد عن الخطية و أسبابها و أتقوى بالروح من خلال الميطانيات و الصلاة و التناول فنقهر بإسم الله عدو الخير و أعماله النجسة و نصير أطهارا بدم المسيح اللى بيطهر من كل خطية.

 مجرد كتابتك للتساؤل ده معناه انك جادة فى التوبة، ابعد عن الشخص ده و ابعد عن التواجد معاه فى نفس المكان واردد المزمورد

 مرارا كثيرة حاربوني منذ صباي ـ ليقل إسرائيل ـ مرارا كثيرة قاتلوني منذ شبابي، وإنهم لم يقدروا علي. على ظهري جلدني الخطاة وأطالوا إثمهم. الرب صدّيق هو، يقطع أعناق الخطاة.

المسيح بيحبك وشايف انك بنته ومهما حصل هيقبلك بس إنوى على السلوك بطهارة و نقاء و إنوى على التوبة و الاعتراف و هو يقويكى ويسهل أمورك. بس إبعدى عن الشخص ده و متقابلهوش...إقطعى كل علاقة بيكى وبالخطية و بالاماكن اللى حصل فيها الموضوع ده و لا تتواجدى نهائيا بمفردك معاه و إطلبى دوما إسم ربنا يسوع المسيح ان يبطل اى ترتيبات كانت بتتم فى الماضى، و قولى  صلاة يسوع وقت الضيقة ينقذك

ياربى يسوع المسيح ارحمنى ياربى يسوع المسيح أعنى ياربى يسوع المسيح اسبحك و امجدك.