ازيك ياجدو انا بحب واحد وظرفه وحشة وطغط على اهلى علشان نعمل خطوبة وبعدها اهله بيكره اهلى جدا وام خطيبى بتتعمل مع امى بتكبر وتخلى ابنها يكره امى وكل شوية يقول امك عايزة تمشنى على كلامها زى ما تمش ابوكى ودا غلط فى البيت بابا هو اللى بيمشى البيت بس دا كلام امه وخالته لى ولو ماشين فى الشارع وماما معنا هو عايز يصرف كتير ماما تقوله لا يقول امك عايزة تمشنى على مزاجها ولو قولتله بتخاف على فلوسك يشتمنى بى اهلى ويقولى ماانتى زى امك ولو بيقتى زى امك انا مش عايزك يقول انا عايزة واحدة تقول نعم وبس وعلى فكرة هو مش عنده شقة ولا بيشتغل شغل كويس وصدقنى اهلى بيعمله كويس بس هو بيكره اهلى علشان هم كانوه عايزنى اجيب الاجهزةكلها واهلى رفضوه وزعقه فيهم وامه بيتحبه جدا وماما خدمة فى الكنيسة ولما تنزل الاجتماع او الافتقاد يقول كلام مش كويس عليها وعلى كدة امه فاتحة محل وطول النهار فى الشارع وبتتعمل مع كل الرجل زيادة عن اللزوم كل شوية يقولى انتى زى امك انا مش عارفة اكمل مع ولا وكل اصحابى بيقولى انتى واهلك طيبين معا وانا سمحت انه يشتم على وعلى اهلى شتيم صعب حد يقولهاوهو عايزنى اكون زى امه اعمل ايه وانا قربت اكمل سنة خطوبة وناقص سنتين خايفة اضيع عمرى واندم ارجوك ساعدنى
مارو
المفروض أنه فترة الخطوبة تكون أفضل من كده بكتير، لكن ده مؤشر انه هيبقى فيه مشاكل أكتر بعذ الزواج...فإذا كانت الاقنعة سقطت بدرى فإنت لازم تصلى و تطلبى معونة ربنا بصلوات كتيرة و قداسات كتيرة و مش مهم ان ماما تكون خادمة، المهم انتى اللى تكونى خادمة و تصلى و تاخدى رأى أب إعترافك.
فترة الخطوبة هى فترة تعارف...نعرف هل هنقدر نكمل مع بعض ولا لأ؟!!! مين اللى يقر ده....انتى بس اللى تقدرى تقررى ده...تسألى نفسك هل هأقدر أحتمل الاهانة او الشتيمة لأمى و لأهلى؟...هل أرتبط بحد شتام و الكتاب المقدس بيقول "لا شتامون يرثون ملكوت السموات" إيه الجوانب الكويسة اللى فى شخصيته؟ ولا مفيش؟...ربنا يختار لك الصالح و يفرح قلبك.