من يقبل إلى لا أخرجه خارجا

تعطيل النجومتعطيل النجومتعطيل النجومتعطيل النجومتعطيل النجوم
 
المجموعة: ركن جدو كرمشة الزيارات: 17912

ازيك يا جدو اية اخبار صحتك يارب تكون بخير
انا بقة نفسى ابقى مع ربنا قوى بس كل اما اقرب حاجة تبعدنى وانا متضايقة قوى بس كدة يعنى ممكن اقعد اكلم اصحابى وماروحش الكنيسة واقعد على الكمبيوتر
مريم

الصحة كل يوم فى النازل و اليوم اللى بيروح مبيرجعشى، علشان كده ربنا وصانا وصية غالية وقال، فاذكر خالقك في ايام شبابك قبل ان تأتي ايام الشر او تجيء السنون اذ تقول ليس لي فيها سرور.
  قبلما تظلم الشمس والنور والقمر والنجوم وترجع السحب بعد المطر.
في يوم يتزعزع فيه حفظة البيت وتتلوى رجال القوة وتبطل الطواحن لانها قلّت وتظلم النواظر من الشبابيك
ممكن يا مريم تقرى النص ده فى سفر الجامعة الإصحاح العاشر
وأنا لو شفتينى هتعرفى يعنى ايه الكلام ده حرفيا، عينين يادوب بتشوف عشان تقرا ورجلين بالعافيه تشيل الواحد عشان يروح الكنيسة وضهر محنى مش عارف يقوم يصلى....ليه تستنى لما تعجزى علشان تعرفى يسوع...من دلوقتى متضيعيش أى لحظة من حياتك، قومى على رجليكى وصلى وإعترفى...توبى وإتناولى وغثبتى فى ربنا..إقرى الوصيه و نفذيها حتلاقى كلام ربنا حلو و تنفيذه أجمل، المسيح الجميل بيقول من يقبل إلى لا أخرجه خارجا