انا ابفكر في الرهبنة من و انا في 3 اعدادي

تعطيل النجومتعطيل النجومتعطيل النجومتعطيل النجومتعطيل النجوم
 

اذيك يا جدو عامل اية يارب تكون بصحة كويسة بص يا جدو انا ابفكر في الرهبنة من و انا في 3 اعدادي و ظل هذا الفكر ثابت و جيبت كتب كتير عن الرهبنة و كنت باسال رهبان و روحت خلوات و انا دلوقتى عندى 22 سنة و اتقدملي ناس بس اشعر ان الزواج ليس طريقي و اخر واحد اتقدمللي كانت مواصفاتة اي واحدة تتمناه و اخلاقة جيدة و مع ذلك لم التفت الي كل هذا انا يا جدو قلبي و مشاعري مش عارفة اديهم لحد غير ربنا خايفة اكون معيشة نفسي وهم اسمة الرهبنة و ان ربنا يكون رايدللى طريق تانى خصوصا انى شوفت بنات احسن منى في الحياة الروحيةيعني ملايكة و يستاهلوا الرهبنة و في الدير يقبلوها و لكن الام تعترض و تتخطب في الاخر او واحدة تقعد فترة حوة الدير و يمشوها انا باصلي كتير من سنتين و اقوللة يارب لو مش رايدلى الطريق دة مش تخليني افكر فية الحاجات دي كلها مخوفانى انى اخد اي قرار اعمل اية؟

ksn

موضوع الرهبنة ده لازم صلاة وصوم و إستشارة اب إعترافك مع زيارات للدير اللى نفسك تترهبنى فيه، وكل ده مع بعضه هتلاقى فى النهاية عرفتى مشيئة ربنا و هتكون معرفة مشيئة ربنا سبب فرحة ليكى فى كل الاحوال وهتلاقى ربنا مسهل السكة ليكى يعنى فى الدير امنا لما تقعد معاكى من خبرتها و كمان صلواتها ربنا بيشركها فى المعرفة دى علشان السكة توضح بالنسبة ليكى

صلاوات كتيرة من أجل انك تعرفى مشيئة ربنا مع القداسات مع طلب مشورة اب الاعتراف....زيارات متكررة للدير علشان تتعرفى عن قرب للحياة الديرية و تشوفى تقدرى على الطريق ده ولا لأ.
وفى الآخر القرار ده ربنا اللى بياخده عنك مع فرحتك بالاختيار الالهى مع تسليم مشورة حياتك لربنا.

وربنا يرشدك

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم