محتارة هو انا اتسرعت او اتبطرت ولا انا مش غلطانة

تعطيل النجومتعطيل النجومتعطيل النجومتعطيل النجومتعطيل النجوم
 
سلام ونعمة يا جدو انا عايزة اخد رأيك فى موضوعى انا فى اخر سنة طب بشرى اتقدم لى زميلى اكبر من بسنة فى الدراسة واقعد فترة اتعرف عليه رسمى يعنى كان بيجى البيت بعد ما اتقدم وفعلا اتخطبنا بس بعد الخطوبة شخصيته اتغيرت خالص دايما متنرفز وعصبى وبيشتم وكل حاجة فيه اتغيرت اساله مالك يقولى ضغط الشغل بس حصل مواقف كتير صعبة منها ان ممرضة شغاله معاه اتصلت بيا تقولى الدكتور عصبى ومضايق وانتى خطيبته المفروض تهديه شوية وكمان بقى بيشتمنى ومرة قولته ممكن نسلم على اب كاهن قالى لا احنا هنتجوز بعيد ومش هنشوفه تانى ومرة قالى انتى مش والية امرى علشان تعرفى انا بعمل ايه او بروح فين او باجى منين وهكذا وانا حذرته كذا مرة ان الاسلوب ده مش هقدر اعيش معاه وفى الاخر فكيت الخطوبة بعد شهر واحد بس منها انا دلوقتى محتارة هو انا اتسرعت او اتبطرت ولا انا مش غلطانة ممكن حضرتك تفدنى لانى تعبانة
تاسونى

عزيزتى اللى يختار ربنا و طريق ربنا و كمان يختار ابن ربنا....ربنا كمان لازم يرد له بإنه يعوضه و أعتقد إنك إخترتى الصح، لأنه ربنا عايزنا نفرح و عايزنا نكون فى معيه معاه و جو الشتيمة و الاهانه
كورنثوس الاولى ٦:‏١٠ وَلاَ سَارِقُونَ وَلاَ طَمَّاعُونَ وَلاَ سِكِّيرُونَ وَلاَ ‍شَتَّامُونَ وَلاَ خَاطِفُونَ يَرِثُونَ مَلَكُوتَ اللهِ.
و انه رجل الله لايدخل البيت ده جو مش بتاع اولاد ربنا، لكن جو اولاد ربنا هو الاحترام المتبادل و الصلاة و حضور القداسات و كرامة الكهنوت، وقبول رجال الله و إكرامهم فى بيوتنا، لأن ربنا يسوع المسيح قال بفمه الطاهر: 
متى ١٠:‏٤١ مَنْ يَقْبَلُ نَبِيًّا بِاسْمِ نَبِيٍّ ‍فَأَجْرَ نَبِيٍّ يَأْخُذُ، وَمَنْ يَقْبَلُ بَارًّا بِاسْمِ بَارّ ‍فَأَجْرَ بَارّ يَأْخُذُ،
و بيوتنا تكون بيوت تسبيح و صلاة، زى ما بيقول الكاهن فى الصلاة: بيوت صلاة بيوت كهارة بيوت بركة 
وانت اخترتى ده كله فبلاش تندمى على اختيارك الصحيح و ربنا هيبعت لك ابن ليه يفرح قلبك، بس دايما خللى المسيح هو اختيارك الاول و المسيح نفسه يختارلك ابن ليه

أضف تعليق


كود امني
تحديث

تم التطوير بواسطة شركة ايجى مى دوت كوم
تصميم مواقع مصر - ايجى مى دوت كوم